موضوع مباراة الريال والبايرن مع كامل احترامي ياشباب هو موضوع منتهي وخالص ،، مافيها كلام ونقاش من يوم ماقالو الريال ضد بايرن ،، الريال ودع البطوله بنسبة 99٪ ،، هالسنه بالذات مافيه ولا فريق له اسم قدرنا عليه ،، تتوقعون بنقدر على ((البايرن))

سالفة ان البايرن ضعيف من العمق وان دفاعه موش ولابد وانه سهل اختراقه حسيت ان عندنا مالديني ونيستا في الدفاع ،، ياحبيبي ما اردا منهم الا اللي عندنا اذا هذي نقطة ضعف البايرين ،، فهي هي اكبر نقطة ضعف للريال من 5 سنين على الاقل ،، مو تقليل في فاران - بيبي - راموس ،، بس الريال الدفاع + الوسط ينهااااار تمااااااما في حالة الضغط ،، مافيه تفاهم + اغلاط بالجملة تحصل ،، والبايرن فريق لاعبينه سريعين في هجومهم + سريعين في استرجاع الكوره ،، عنده اجنحة واضهره طيارات الله يخرب بيتهم عنده حلول كثر التراب للتسجيل ،، تسديد من خارج المنطقه (كروس - شفايني - روبن - ريبيري) ،، الاختراق من العمق (ماندزوكيتش - مولر - قوتزه) ،، الاختراق من الاطراف (روبن - ريبيري - الابا - رافينيا) ،، الاعتماد على الركلات الحره .... الخ ،، يعني بالعربي ماتقدر تدخل بتكتيك يمنعهم من التسجيل ،، فريق ينوع باسلوب اللعب ،، هل الريال بيصمد ؟؟؟ وجهة نظري من سابع سابع سابع المستحيلات (اتمنى يخيب ظني) ،، اذا دورتموند وهم ناقصين 7 لاعبين بغينا نودع البطوله ،، وش بنسوي مع بطل المانيا ؟؟ ،، ولا تنسون ان البايرن اخذ بطولة الدوري من بدري هالسنه ،، ماعليه اي ضغط مبارايات ،، على عكس الريال اللي بيلعب نهائي الكاس بعد كم يوم + مبارايات الدوري اللي يحاول مايخسر نقاط فيها لعلى وعسى احد يتعثر + ارهاق الونسو وعدم وجود بديل (((كفو))) يغطي مكانه

انا بس عندي امنيه اتمنى انشيلوتي يحققها ،، موب على اساس اني مامل اننا بنفوز لا والله ،، بس هي امنيه عشان ما ننرقع بنتيجة تاريخه لا اكثر ،، اتمنى يلعب راموس يمين وينزل فاران مع بيبي بالعمق ،، لان كارفخال لو صار موجود والله يا ريبيري بينبسط عليه ،، بيقلب الوضع طقطقه ومصخره

خلاصة الموضوع اللي ابي اقوله واعذروني لو طولت ،، الريال من اليوم ينسى الابطال ويفكر بالدوري والكاس ،، يحط مجهوده على شي معقول ومنطقي ،، مالها داعي سنتين ورا بعض بدون اي بطوله والله عيب

تذكرون نتيجة البرسا مع البايرن السنه الماضيه كاني اشوفها والله

موفقين