نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة عشاق ملوك اوروبا Real Madrid 2013-2014 ||

Madr!d · #12 05/04/2014, 01:47 PM

إقتباس

الرسالة الأصلية كتبت بواسطة MJNT


	الموهبة تبان مثل الشمس وانا اخوك عندك خيسي ماحد يختلف انه موهوب ومشروع نجم اما كاسيميرو وموراتا ماعندهم سالفة بصراحة اعارتهم او بيعهم ما يفرق معي لأنهم في النهاية أقل من أنهم يلعبون لمدريد عموما الفريق محتاج دكة قوية ولا ليش نطلب راكيتيتش لأنه جوكر ويلعب بكل مراكز الوسط ويكون بديل قوي لدي ماريا أو ايسكو أو ومودريتش وبوغبا في حال قدومه اما سواريز لو تدفع فيه 100 مليون حلال بلال فيه هذا كل مهاجمين العالم في كفة كافاني ابرا فان بيرسي فالكاو بنزيما ايتو كوستا وسواريز لحاله في كفة ويتفوق عليهم جميعاً بلا إستثناء تجاوز كريس في الحذاء الذهبي وهو ما يلعب البلنتيات

أنت شفت كاسميرو يلعب شوط كامل في المباريات الرسمية ؟ عشان تقول ما عنده سالفة ؟ اللاعب ما أخذ فرصته أبد ولكن شوف لما يلعب المباريات الودية اللاعب يجتهد أكثر من غيره في الملعب وتلقاه موجود في كل مكان وعلى أي أساس بنيت أنه ما عنده سالفة ؟ سياسة أن والله أطير هالشباب من النادي ترا هي تضر النادي مهب العكس , يعني شف ماتا وسيلفا كلهم خريجي الكاستيا وشف كيف يلعبون الحين , كل الأندية عيونهم عليهم بالذات سيلفا !.

بـ خصوص راكيتيتش أنت مُقتنع أنه بـ يكون راضي بالدكة ؟ اللاعب الحين مبدع وتبيه يجي ريال مدريد عشان يقعد في الدكة ؟ لا تقولي والله يكفيه يلعب بـ ريال مدريد , هالكلام غير صحيح أبداً إذا والله كل اللاعبين يكفيهم يلعب بـ ريال مدريد كان جبنا كافاني وإبرا وسواريز وفالكاو وأغويرو

هالتكديس هذا راح يضرك وراح يسبب لك مشاكل وأنت في غنى عنها , الدكة ماهي ضعيفة ولكن الإصابات التي لحقت بالفريق هي اللي أضعفتها , الموسم الجاي جيب مهاجم وإحتياطه بنزيما وخلاص أنت كذا خليت الدكة في أفضل حال , بـ تكون خياراتك الهجومية : إيسكو - خيسي - بنزيما ؟ وأعارض يكون في أي لاعب زايد عليهم في الدكة من الخيارات الهجومية لأني كررتها بـ تضر الفريق وتدعيم الدكة برأيي المفروض يكون منها عدد من اللاعبين في الكاستيا ! لأن إذا ما راح تعتمد على الكاستيا في المستقبل أنت اللي راح تخسر.

شوف بـ خصوص سواريز , عشان أكون صريح , حنا ما نبي سباحين

نبي مهاجم ما يقعد يتبطح في منطقة الجزاء , مهاجم مثل فالكاو هو الأنسب لـ ريال مدريد واللاعب مثل ما قلت ووضحت في ردي السابق هو اللاعب المُتوفر الحين في السوق وسواريز مجدد عقده وقيمته عالية وهو أساساً ما يستحق 100 مليون كما يُقال , الحين بيجيني واحد يقول والله بيل قيمته 100 مليون وجبناه أحب أقولك أن الإعلام الإنجليزي ضاحك عليك , قيمة اللاعب الحقيقة هي 91 مليون يورو كما أعلنت قناة ريال مدريد الرسمية وأيضاً بيريز على ما أعتقد.