إقتباس الرسالة الأصلية كتبت بواسطة FAISAL AL7RBY هههههههههههه ياخي اذا تبي تضحك شف التلبيقات في الاسواق و اي مكان مزحوم بتحصل الشكر اصلا مسكر تدري ليش لان كل واحد فاشل في التلبيقة و مطلع مؤخرة السيارة لـ جزء من الشارع و كذالك الي ملبق يسار مسوي نفي الشي .. و بالتالي محد يمر بالشارع الا شخص محترف في القيادة او شخص بايعها و مستعد يهشم مؤخرات السيارات على فكرة كثير من السعوديين ما يطبقون انظمة المرور الا في مراكز اختبارات القيادة وبعد ما يحصل على الرخصة يضرب القوانين في عرض الحائط

الجزئية الأخيرة أتفق معك فيها لكن للأسف

يارجال ماعمري لبست حزام لدرجة إني لامريت من عند نقطة تفتيش أخاف ألبسه ويوسخ الثوب

أنظمة المرور لدينا مكانها وقت اختبار الرخصة فقط وقتها تسوي نفسك اللي نظامي وتحس الناس غير مبالية وتقول ليش شعبنا كذا

ولما تستلم رخصتك بعدها بشهر هذا وجهي إذا طبقت شي منها

على الطاري تدري وش أصعب موقف . لما يوقف السيارة بطلعة ويقولك لا أسمع صوتك المكينة يعني لاتضغط بنزين بقوة ولاترجع السيارة ورى . كنت أشوف عسكري يسوي هالحركة في اللي جايين يختبرون وانا حاط يدي على قلبي قلت الحين طبيت في هذا البلشة وش اسوي

الحمد لله ماطبيت فيه ورحت لواحد طيب وهو اللي نكب العالم يوم عطاني رخصة . ومن يومها وأنا مصدق ان معي رخصة وطايح بخلق الله أخلع صداماتهم ومراياتهم مع قليل من الخدوش للأبواب .

تحياتي ياعسل