 | إقتباس |  | | |  |
الرسالة الأصلية كتبت بواسطة CRAZY madrid CR7 |  | | | | | | | | |
# بعض الاخوان يتكلموا علي رونالدو وانه ماقدم الي عليه
ارجعوا للمباراه وشوفوا رونالدو كل مايمسك كوره 4 لاعبين من برشلونه عليه عشان كذا كان ديماريا لوحده يسرح ويمرح
| |  | |  | |
اسمحلي بس انا اشوف العكس ،، رونالدو من بعد الكره الذهبيه وهو متغير بشكل كبير ،، صحيح يسجل ويقدم مستويات كويسه في بعض المبارايات بس والله ان رونالدو الحالي ما يجي ولا نص رونالدو اللي قبل الكره الذهبيه !!!
وبالنسبه ل دي ماريا ،، ممكن اكون فاهمك غلط ،، بس كلمة يسرح ويمرح حسيت ان ماكان عليه اي رقابه وانه يمشي بالملعب على كيفه !! لو ترجع للمباراة تشوف انه قلب لاعبي البرسا وتعبهم ،، لاعب في وقت الدفاع تلقاه اول المساندين ،، ووقت الهجوم نفس الكلام ،، ما تبدا الهجمه الا من طريقه ،، فيه فرق بين لاعب يمسك الكوره وهو حاط في باله انه يبي يساعد الفريق وبين لاعب ماسك الكوره بس يبي يسجل "اسمه" بالمباراه ،، لو تلاحظ ان دي ماريا يدخل في احتكاك ع لاعبي البرسا ولا يطيح نفسه من ابسط احتكاك ،، على عكس كريس اللي لو لمست يده قعد يتقلب !!! يعني خلونا واقعيين ،، صحيح نجم الفريق الاول ،، بس لازم نكون منصفين حتى لو كان كريس ،، اتمنى المبارايات الجايه ان اللاعبين يلعبون بحماس واصرار دي ماريا انا اضمن لك ان ما فيه فريق بيوقف بطريقنا ،، اذا دي ماريا (((لحاله))) قلب ام لاعبي البرسا ،، فما بالك لو كان ال 11 لاعب بنفس الروح !!!
المباراة هذي اثبتت لنا شغلات كثيره ،، وحده منها قوة هجوم الريال ،، اللي بكل هجمه كنا نشم ريحة الهدف ،، كان بامكان بنزيما يصير الهداف التاريخي للكلاسيكو ،، لكن وش نقول !!! ،، والشغله الثانيه هي اننا نحتاج دكة احتياط زي العالم والناس موب موراتا ولا ايارا !!!! مع احترامي للاثنين بس هذولي توهم ،، اتمنى الموسم الجاي ان بيريز يفرحنا ويجي لنا سواريز
وفيدال
******
بالنسبه للمبارايات الجايه ،، تعتبر سهله تقريبا ما عدا اشبيليه و سوسيداد ،، انا اعتبرها صعبه لسبب واحد ،، انها برا ملعبنا ،، المبارايات الباقيه تعتبر اسهل بكثير خصوصا وانها في ملعبنا
اناا كل خوفي من شغلتين ،، الاولى معنويات اللاعبين ،، والثانيه هي ان يجيك الاتحاد الاسباني اللي ما يصدق خبر ان فيه لاعب من مدريد مصرح له تصريح والا ويصك امه بايقاف 3-4 مبارايات !!! الله يستر من اللي بيجي
وفيه نقطه اخيره ابي اذكرها ،، الموسم الماضي البرسا ما فاز على الريال لا بالذهاب ولا الاياب ،، ومع هذا فاز بالدوري ،، السنه هذي شكلها بتتكرر بس مع الريال ان شالله
