ياخوي فشلتنا بجمهور الفقر اللي كل شوي داخلين مواضيعك الفاشلة اللي كلها حشو كلام ومضمونها المدرب سامي ثم يلقونها فرصة لسبه والنيل منه
حنا نحب سامي ونحترمه ونقدره وكنت أول المطالبن بتدريبه للهلال بحكم محبته لفريقه السابق
ولكن من غير المعقول أن نضحي بتاريخ الكيان لأجل شخص ولابد نفرق بين لاعب سابق ومدرب
وحنا نعرف سامي من يوم هو صغير ماحنا بحاجتك كل شوي منزل موضوع عن سامي
وحنا مع سامي على الخير بمافيه مصلحة الكيان ونفرق بين سامي لاعب ومدرب
أما تطبيلك له في الوقت الراهن غير مبرر لأنه ماقدم شيء يشفع له خسارة كأس وتفريط بالدوري ونتائج مخيبة للآمال لولا مجهود بعض اللاعبين لكان الفقر حسم البطولة من الدور الأول وأنت مابين السادس والسابع ارجع وشف المباريات الدوري مرة ثانية لولا مجهود بعض اللاعبين لكانت فضايح ..وشف أهداف الهلال في بعض المباريات تلقاها بنهاية المباراة بالوقت الأصلي اللي فاز فيها ... يعني بالحظ خدمك شف هدف الزوري بالعروبة ضربة ميته ودخلت هدف ...وهدف ياسر بالنصر لولا الدفاع كان ماهي حول الباب ولكن الحظ خدم فيها.
أحيانا الفوز يخفي فضائح المباراة كفضائح النصر الآن بعد اكتشاف طريقة لعب كارينيو بالرفع الأظهره الكرة بين قلوب الدفاع للخصم واللعب على اللمسة الثانية.
فريقك عنده خلل من بداية الدوري بالدفاع والحراسة وتطلع وتكابر وتقول أفضل خطوطي الدفاع هذا مدرب ؟وبالنهاية تصك تعاقدات دفاع ولانفعو معك وين الخلل ؟
فريقك الآن داخل فيه حوالي 40 هدف والموسم بعده ماانتهى وتقول مدرب؟
فريقك يفوز بالمباراة وتتقدم على خصمك وتهاجم بعشر لاعبين هذا مدرب؟
فريق تزعم آسيا لعقود وهذا الموسم مع فرق سباهان والأهلي والسد يعطونك المباراة بنقاطها الثلاث وتضيعها بتفكيرك وتكتيكك الفاشل بمصيدة التسلل اللي ماتعرف غيرها لاوتنكشف ويلعبون عليك فيها ؟
ومحتل الترتيب الرابع وبنقطتين الفتح مع إنه أول سنه يلعب بآسيا مثلك عنده نقطتين وبلاراعي وملايين؟
عندك ظهير أيمن يلعبون كل الفرق على نقطة ضعفك فيها ولاتصلحها لأكثر من 30 مباراة أجل وين الخلل وتقول مدرب؟
لاعبين منتهين الصلاحية تجلبهم أو تطالب بتجديد عقودهم وبقاؤهم ويفشلونك ولايقدمون المأمول من لاعب يمثل الزعيم وتقول مدرب ؟
وتتحججون وتقولون سامي أول سنة تدريب ؟ ما أحد أجبره على تدريب الهلال
اللي يقول الكلام هذا إما مقتنع بمايقدمه سامي فهذا لايفهم كورة
أو همه الأول والأخير اللاعب وليس الكيان العظيم فهذا غير مرحب به
سامي كنا نتوقع أنه سيقدم الكثير والكثير للنادي وكنا نطالب به ومتفائلين به ولكن سامي بثقته الزائدة أحرقنا وأحرق نفسه للأسف..!
