| خلوني أدلو بدلوي لووووووول
أشوف ياسر أفضل وبمراحل والسببب بسيط
لو فرضنا إن ياسر وسعد تساوو بكل شيء مع إن ياسر أفضل مهاريا وأفضل لعب بدون كوره وأفضل بضربات الراس وأفضل باللعب على الأطراف لكن راح نقول إنهم متساوين بكل هذا جدلا علشان أوضح النقطه الي أهدفلها
ياسر يتفوق على أغلب اللاعبين السعوديين بسرعة ردة الفعل وحسن التمركز واللعبات الي تحتاج لمسه وحده مثل شوته على الطاير
بينما سعد يميل إلى الإستحواذ على الكره ثم التصرف بها وهذا عيب كبير ولذلك تشوف سعد يغيب بمباريات يكون فيها الدفاع يلعب لعب ضاغط لعدم تمكنه من الإستحواذ على الكره بعكس ياسر الي يشهدله الهدف الدبل كيك الي سجله وألغوه في بطولة الخليج وأذكر بعد من الشواهد لعبته الي على الطاير لما شات كوره على الطاير من خارج منطقة الجزاء وأظنها كانت بمباراة الكويت أو مباراة أوز باكستان
ولذلك ياسر يتفوق على سعد وبمراحل
هذا ما يقلل من قيمة الإثنين وكلهم من أهم نجوم الهجوم بوقتنا الحالي وأتوقع كلهم راح يتطور مستوياتهم أكثر وأكثر بالمستقبل
ملحوظه : عمر اللاعب بالملاعب موب دليل مع إحترامي ولنا في محمد الدعيع وبيليه وغيرهم خير مثال والمقصد بالمثال هذا إن الموهبه تفرض نفسها رغم صغر سنها مثل بيليه الي حمل كاس العالم ويلعب أغلب الوقت أساسي وهو عمره 17 ونفس الكلام ينطبق على محمد في بداياته
تحياتي  | 