موضوعك ممتاز .. خاصة إن المنتديات هذي فايدتها .. نقاشات حول مستوى اللاعبين بروح طيبة ..

لكن أتوقع بالغت بالتشبيه ..

بالنسبة لروبن .. لاعب كان يعتبر خطير جدا في كسر أي دفاع خاصة في المرتدات بسبب سرعته الخرافية .. أهلكته الإصابات وفقد مهارته في الاختراق ..

لكنه مازال يحتفظ بقدرة كبيرة في دقة التسديد .. فتغير اسلوب روبن إلى انه يلعب بالطرف الأيمن .. يكسر بشكل عامودي لخط الثمانطعش ويشوت ..

توغلات سالم تعتمد على الاطراف بشكل كبير .. في فترة من الفترات ممكن اوافقك بهالنقطة .. لكن اقتنعت ان الموضوع تركيبة مخ وتعوّد .. سالم طريقته يخترق بالطرف لين يوصل قريب من الحارس .. مرات يشوتها مرات يمررها ارضي ..

مع ان سالم في بداياته كان يلعب بشكل حلو في الطرف الايسر وكانت له بعض التسديدات .. لكن تحول للطرف الايمن وصارت كذا طريقته ..

سالم فعلا يبي له تمرينات اضافية .. على التمرير و العرضيات .. يبي له بس يرفع راسه قبل يرفع ويرسل الكورة بشكل أدق للمهاجم ..


بالنسبة للعابد .. والله هاللاعب كان يمكن يكون اسطورة .. لاعب متكامل .. سرعة .. مهارة .. تسديد من بعيد ومن قريب .. ذكي .. حماسي ..

بس مشكلة العابد راكب راسه .. ولا يحب أحد يعلمه وش يسوي .. وكثرت مشاكله ومزاجيته ..

العابد لو كان في التسعينات الميلادية يلعب كان اسطورة .. بس الكورة تطورت . وصار الانضباط داخل وخارج الملعب هو المهم ..


الفريق بشكل عام .. لازم يكون فيه متابعة خاصة لكل لاعب .. يضاف ساعتين اضافيتين للتدريب .. وتكون صباحية .. يبداها بتدريبات لياقية .. ثم تدريب على مهارة معيّنة لكل لاعب ..