هارد لك للجماهير الهلاليه
بعد ماكانت هالبطوله (تصبيره) الموسم لنا ، فقدناها بكل سهوله واستهتار !
و لنكون منطقيين اكثر ، رقم الهلال لابد ان يُكسر وكره القدم فوز وخساره ..
ولكن اخطاء سامي الجابر مُتكرره على مستوى موسم كامل تقريبا
شفنا الهلال كيف يعاني قدام فرق صغيره ويواجه صعوبه في التسجيل وفي بناء هجمه مُنظمه !
ماحدث في الانتقالات الشتويه خطأ كبير ، وهو جلب سعود كريري (المنتهي) -بطلب من سامي الجابر- ،
كريري لم يتمكن من الاشتراك البدني ولا الاستحواذ على الكره ولا قطع الكرات ولا توزيعها وتمريرها بشكل صحيح ..
هذا وهو محور والمفترض هذي ادواره "الاساسيه" وللاسف هذا اقصى مايمكن ان يقدمه سعود !
بالنسبه لموضوع الانتقالات الشتويه بجلب سعود كريري والابقاء على (العاهه)
و أحد اسباب ارتباك فريق الهلال "كاستيلو" والاستغناء عن هرماش ..
اي منطق ياسامي ؟ كاستيلو وكريري يلعبون في نفس المركز ويؤدون نفس الادوار وهرماش يملك نوعا ما نزعه هجوميه الى جانب كونه جيد دفاعيا ، وكريري (السيء) افضل من كاستيلو !! وش المبرر من ابقاء كاستيلو ؟ هذا خطأ كارثي فعلا
واشتراك الثنائي امس (كريري وكاستيلو) خطأ ايضا .. لأن امكانياتهم الفنيه والفرديه ضعيفه ويؤدون نفس الادوار
وهذا احد اهم اسباب العقم وسوء بناء الهجمه والتوازن في وسط الملعب
ياسر الشهراني يشارك كثيرا في بدايه الهجمه للهلال ! من عنده تبدأ الكوره بالدوران، وكثيرا مايخطيء وترجع مرتده خطيره
هذا شي مخيف ، نظره الكوتش الفنيه ماعالجت هالمشكله ؟
كثره الكرات العرضيه الغير مُبرره واللي تتكرر كثيرا من بدايه الموسم (خصوصا من سالم الدوسري، سلمان الفرج،الشهراني)
قطع الكرات العرضيه هو اما مرتدات خطيره، او فقدان الكره بالسهوله وبالتالي اضاعه الفرص
التغييرات امس كانت قصه ثانيه ؟؟!
الاخطااااء كثيييييره ..
اللاعبين نعم يتحملون جزء ولكن الجزء الاكبر يتحمله سامي
نقطه اخيره (اهداء الى جماهير سامي ) :
كلنا نحب سامي ونتمنى له التوفيق
ولكن ليس على حساب الهلال .. الهلال فوق سامي الجابر وغيره
كونك طرف في النهائي و (لازلت) وصيف الدوري هذا ليس انجاز بالنسبه للهلال
بينما يمكن يكون انجاز بالنسبه لسامي (وجماهيره)
