للأسف تطبيل في تطبيل ...
اسألك بالله ياصاحب الموضوع هل الهلال هذا الموسم أقنعك فنياً وتكتيكياً ..؟؟؟؟؟
انا سألتك بالله تجاوب هل الهلال أمتعك هذا الموسم بلمحات وتكتيك ولعب ؟؟

ياجماهير سامي حرام عليكم والله دبلتو كبودنا انا مشجع هلالي ينحرق دمي اذا شفت الهلال يفوز بدون مستوى وبدون تكتيك

أجل كيف والهلال ينهزم بدون مستوى وبدون تكتيك وفوق هذا كله أسماء في الفريق 5 نجوم وممتازة جداً

انا بصراحة صرت أشك ان البعض مستفيد من بقاء سامي في تدريب الهلال حتى والهلال منهزم

ما ادري بصراحة وش الفايدة من بقاء سامي وماشفت منه لا لعب ولا اسلوب واضح ولا شي

والبعض يجي يقول مندس ويعلل بقلة المشاركات ..!!!

يعني الحين ما أصير هلالي الين تصير مشاركاتي فوق 4000 ...؟؟؟

طيب ياخي أبوي يشجع الهلال من 40 سنة وماعمرة كتب في المنتدى ..صار نصراوي يعني عشانه ماجلس يقرقر معكم .؟؟؟؟

هذا تفكير أطفال وتفكير عقيم ومافي أحد فوق الانتقاد سواء سامي يوسف الثنيان التمياط الشلهوب

مصلحة الهلال فوق الجميـــع .. الكل يتذكرنواف التمياط اللاعب الخلوق المؤدب اللي افرحنا كثير قبل يعتزل كان مايعرف يثبت كورة وصبرنا علية .. لكن بعد الانتقادات اللي جات عليه توقف عن اللعب ...

والسؤال هو هل يمتلك سامي نفس جرأة نواف ولا ناوي يكمل موسم ثاني وثالث وحنا نرقع له مرة بعد مرة


والله شي يغبن ويقهر ...