الحمد الله ردودكم كانت اقوى سلاح لطرد المندسين من التعليق على الموضوع ، وكذلك الانهزاميين ، نخسر معركه او معركتين وربما ثلاث، لكن لانخسر الحرب باذن الله ، الهلالي لايعرف الاستسلام ، بالنهايه تحقيق بطولة كاس ولي العهد ، مثل تحقيق بطولة كاس الملك ، مثل تحقيق بطولة الدوري ، وحتى بطولة اسيا ، لانها بالنهايه تحسب ببطوله واحده في سجل بطولات الهلال ، لانا حققنا كل البطولات بمسمياتها جميعا ، يهمنا نبقى ابطال ، سواء ناخذ الدوري او كأس ولي العهد او اسيا ، وتذكروا سابقا لما اخذنا الدوري سنتين ممتاليتين وش يقول بعض الجمهور ، نبي اسيا ، الدوري امر عادي تحقيقه بالنسبه للهلال ، وضغطنا على الفريق والادارة ، مما ضيع علينا دوري الموسم الماضي واللي قبله ، اي بطوله نبيها دام انها تصنف بطوله للفريق الاول ، كاس الملك مثل الدوري مثل ولي العهد الفرق انك تلعب باسيا ، واحنا كل سنه نشارك باسيا ياول الدوري ياثاني الدوري ، ولله الحمد ،الانجاز هو الانجاز سواء كان بطولة محليه او اقليميه او قاريه ، لا نضحك على انفسنا، اذا جلست مع ابناءك او احفادك بعدعمر طويل ، كيف بتقنعه انه يشجع فريقك ، بتقوله شاركنا فكأس العالم قبل اربعين سنه وحققنا المركز قبل الاخير ، ولا بتقوله فريقنا حقق اكبر عدد من البطولات من تأسيسه حتى الان ، كل الانديه ما وصلت لنصف انجازاته ، اتمنى الرساله وصلت ولكم الحب والتقدير .