السلام عليكم ورحمة الله وبركاته
لا اجيد المقدمات وتلميع الكلام ولاكني ابدا على طول واقول قصيده في محامي الهلال عادل التويجري الي اشوف انه يستاهل ويستحق منا جمهور الهلال الجمهور الملكي انا ناقف بصفه ونصير ذراعه اليمين لاني اشوف هجوم قوي على المحامي الهلالي لانهم يعلمون انه هو الي واقف لهم ومتكي لهم على كل صغيره وكبيره والمعروف في مقولته الشهيره ( مايهذري المهذري الا من شدت الصخونه ) عشان كذا هم يتصيدون عليه ويدورن الزله لكي يسقطونه ويرتاحون من الصخونه الي ممرضتهم ومالقو لها علاج الا
عندما يسقطون المحامي . ولاكنهم نسو جماهير الهلال ونسو اننا الرقم الصعب ولازم نوقفهم عند حدهم

وهذي قصيدتي بالمحامي عادل التويجري وردا على بعض شعار النصر الي حاولو مهاجمته

يالتويجري عن عز ترقا العلاوي
وترقا بعد فوق الذهب والمتاجر

يالتويجري فعلك بوقت البلاوي
وماتدعس الا كل طاغي وفاجر

يالتويجري ياقلت قولك يداوي
ويسكت الالسن وبعض الحناجر

نور الهلال يشع بالليل ضاوي
ولك الفخر انك زعيم التواجر

يالتويجري دامك على العز ناوي
حنا معك دروع وسيوف وخناجر

حنا هل الضلعان ذيابن تعاوي
عيال الطنايا بالرخا والمحاجر

وسلامتكم

وهذا حسابي بالكيك crazy1461