نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

! دحـوم الهـلالـي ! · #31 07/01/2014, 05:37 PM

إقتباس


	اولا / تم تنسيق الحارس فهد الشمري <(لم تتح له اي فرصه لتجربته) وهو عندما شارك (قبل سنوات) ابدع رغم ابتعاده كثيرا عن تمثيل الفريق وكان مميزا حتى في صد البلنتيات> , وبدأوايتفاوضون مع حارس يعتبر رجيع عدة اندية ..!!

مروا مدربين كثير على الهلال اثناء تواجد الشمري في قائمة الهلال وما استطاع اثبات وجوده طوال هالفتره ..
وبالتحديد الفترة اللي بعد ( الدعيع العتيبي ) .. حتى ما اكون ظالمه بحراس افضل منه ، صحيح انه مميز بركلات الجزاء بس حنا نبي حارس على طول الموسم وفي المباريات يبدع ويثبت وجوده مو حارس مبدع في ركلات الجزاء فقط !!
لكن الاداره بوجهة نظري غلطت بتوقيت عمل المخالصه كان صبروا حتى يرجع شراحيلي للحراسه و وقتها يعملون المخالصه خاصه وان الواكد محتاجينه في الاولمبي بالفتره الحاليه ، واتوقع فكرة النجعي والتعاقد معاه مابيكون عقده لمده طويله مثله مثل فايز السبيعي عقد قصير وعلاج مؤقت فقط حتى عودة شراحيلي للحراسه ..

إقتباس


	ثانيا / يتم الاستغناء عن قلب الدفاع الكوري ثم يتم استبداله بشراء ماتبقى من عقد لاعب الشباب الكوري الذي لم ينجح معهم وكانوا سينهون عقده لعدم قناعتهم بمستواه ..!! والطامة الكبرى أن الشبابيين فضلوا عليه ((منسقنا)) المرشدي الذي تخلصت منه ادارتنا بمخالصه .

خلنا واقعيين شوي ، كواك كنا نبغى نتعاقد معاه من يوم ماكان مع فريقه اولسان وتحديدا بعد ابداعه معاهم في البطوله الاسيويه وكنا نطالب بالتعاقد معاه بهذيك الفتره حتى يكون الاعب الاسيوي بالفريق الهلالي ، وانا معاك ان اللاعب كان سيئ مع الشباب لكن مابيكون مثل سوء مدافعنا السابق هوان بكل الاحوال وماهو مقياس عليه الفتره اللي قضاها مع الشباب لمستواه يمكن اللاعب مو مرتاح نفسيا في النادي ، وهالشي بيختلف ان شاء الله بتواجده مع الكتيبه الهلالييه ، يكفي فرق الجماهيريه بين الهلال و الشباب الشاسع وبإستطاعة الجمهور دعمه ومع الراحه النفسيه اللي ان شاء الله يحصلها بالفريق راح يقدم مستوياته اللي عرفناها مع اولسان ويقدم المستوى الكبير وخلك متفائل بهالتعاقد خصوصا بعد مستواه اللي قدمه قدام الاتفاق كان اكثر من رائع خصوصا وانه الظهور الاول له كان ..

إقتباس


	ثالثا / رغم علمهم بإصابة قلب الدفاع (المسلم) بالرباط الصليبي الا أنهم تنازلوا عن قلب الدفاع الآخر (المرشدي) بعد ذلك ذهبوا ليتعاقدون مع قلب دفاع أجنبي ..!!

بالنسبه لماجد المرشدي انا معاك ان اللاعب خطا كبير يطلع من الفريق خصوصا هالفتره واهو كخيار احتياطي ممتاز جدا للفريق وافضل من المسلم بمراحل بكل صراحه ، لكن هالشي ماهو بيد الاداره كلنا سمعنا تذمر المرشدي من بقاءه احتياطي بالفريق ويبي يلعب ماجد ويكون لاعب اساسي بالفريق ( وهالشي ) من حق اللاعب يطالب فيه وسامي نظرته بالمرشدي انه كلاعب احتياط افضل من انه يكون لاعب اساسي واللاعب طالب انه يلعب او يغادر الفريق حتى يحصل له خانه ويلعب بشكل اساسي يعني مو الاداره اللي قالت له الله معاك ، اللاعب هو اللي طلب هالشي وهو حق من حقوقه انه يتمنى يشارك ويكون لاعب أساسي وعقده كان على وشك الانتهاء والاداره مابيدها شي من هالناحيه ..

إقتباس


	رابعا / هناك انباء تشير الى رغبتهم الاستغناء عن محمد القرني (لولا انه طالبهم ببقية عقده) ويذهبون لمفاوضة الجبرين لاعب الرائد الذي لايتميز عن القرني بأي شيء ..!!

بالنسبه للقرني اتوقع الادارره تبيه ياخذ فرصته بالمشاركه ( لكن ) بفريق اخر بـ نظام الاعاره ، وزي ما شفنا ببعض الصحف وبعض التغريدات اللاعب رافض انه يلعب بالاعاره لأي نادي بنظام الاعاره ويفضل المخالصه على هالشي والاداره ماسوت معاه مخالصه يعني كان من مصلحته انه يمشي على شور الاداره ويلعب بنظام الاعاره ويحصل فرصته بفريق اخر حتى يقدم المستويات ويقنع المدرب بمستوياته لانه خيار ثالث او رابع بخانة المحور بالنسبه للفريق الهلالي وفي المواسم القادمه ما اثبت نفسه بشكل كبير مع اني افضل يتم تنسيق او بيع عقد الغنام ( اللي اكن له كل الاحترام والتقدير ) على اخلاقه ومستواه الجيد جدا لكنه مع الاسف الاصابات وراه وراه ، وبالنسبه للجبرين اتوقع انه افضل بمراحل من القرني لان القرني جت له فرص ولا فرض نفسه بالتشكيله ومستوياته ماهي متطوره ولا كان حصل فرصته على الاقل كبديل في بعض المباريات ..

إقتباس


	خامسا / سلطان البيشي الظهير الايمن الاساسي والوحيد بالفريق الاول يتم ركنه ويتم اشراك بدلا منه الشهراني الذي يجيد اللعب بالظهير الايسر , وفوق هذا هناك انباء تشير الى رغبتهم الاستغناء عنه .. وهم الذين رفض الشباب طلبهم ببيع عقد أو اعارة حسن معاذ ..!!

إقتباس

سلطان كان يقدم مستويات جيده مع الفريق وجته مراحل كان مبدع في الخانه ومن بعد الاصابه اختفى ، اتمنى يرجع يثبت نفسه ويقدم نفسه بشكل مغاير بعد الاصابات اللي مرت عليه ويفرض نفسه بالتشكيله حتى نلعب الشهراني بخانة الظهير الايسر اللي راح يبدع فيها اكثر من ابداعه ومستواه الجميل في الظهير الايمن ، وما اعتقد الاداره راح تستغني عنه والكلام مجرد اشاعه لا اكثر لانه الاعب الوحيد بالفريق الاول اللي يلعب بهالخانه مع الشهراني ويمكن الكوتش سامي يشوف ان الزوري افضل من البيشي بالفتره الاخيره ويفضل استمرار الشهراني بالظهير الايمن وما يفكر يلعب الشهراني بالظهير اليسار الا في حالة قدوم معاذ ولا استمرار الشهراني بهالخانة بنظره افضل ..

هذا من وجهة نظري التعليقات وبحسب فهمي للي حاصل بالفريق بالفترة السابقه ..

تقبل مروري