نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - II Serie A- 2013/2014 II تجمع عشاق جنة كرة القدم .. كأس السوبر الإيطالي بين نابولي ويوفنتوس سيلعب في 23 ديسمبر .

Madr!d · #1447 05/01/2014, 10:25 PM

إقتباس

الرسالة الأصلية كتبت بواسطة No E7tkak Ff


	تذكر عزيزي أنه حصل على بطولة الدوري مرتين في عآم إنهيآر الكرة الإيطآلية أسألك بالله وين ميلآن ووين الإنتر اللي كآنو يصولون ويجولون في أوروبآ مو بس في إيطآليآ .. الكل أنهآر كل الأندية الإيطآلية أصبحت تعآني بإستثنآء يوفنتوس اللي كآن أفضلهم مآديآ .. ولو تجيب أي مدرب في ضل كوكبة النجوم اللي يملكها يوفنتوس الآن بإمكآنه يحقق الدوري ,, وأقول نجوم مقآرنة ببقية لآعبي الدوري الإيطآلي فقط .. روح جيب رآنييري طيب الذكر وصاحب الحظ العكر ورح يسويها أخيرآ بعد مآكآن يحفر مآبقى فيريق مآدربه عشان يفوز بالأسكوديتو ومآقدر .. الدوري الإيطآل بالنسبة لكونتي مو صعب ولآ رح يكون صعب إلآ لمآ تشوف كل الأندية تعود لمآ كآنت عليه في السآبق وتشوف التنآفس اللي كآن موجود قبل وقتهآ صدقني كونتي مآرح يكمل نص موسم .. بس دقيقة يوفي خط الوسط عنده من أقوى خطوط الوسط في العالم !! كل مآقلته عن كونتي أوآفقك فيه إلآ أني أخآلفك في مفهوم الخطة اللي يطبقهآ كونتي لأني بكل أمآنة مو قآعد أشوف لمسآته في الفريق " فنيـآ " طبيعي كل مدرب يملك تكتيك لكن العبرة ليست بإمتلآكه بل بتطبيقه بإحترآفية وهذآ هو الشئ اللي يفتقده كونتي ,, كونتي لسى يحتآج وقت طويل عشان يصبح مدرب ممتآز لذلك من الظلم مطآلبته بكل شئ الآن ومن أهم هذه الأشيآء التشآمبيونز لسى بدري مرة مرة .. أمآ بمبآرآة فيورنتينآ معليش شلون مآيستطيع يفعل أي شئ إلآ إذآ كآنت المبآرآة متوقفة هذي كرة قدم وليست كرة سلة أو يد حتى يطلب وقت مستقطع !! أنآ أذكرك بإيش صآر في المبآرآة واللي ( معليش جمآهير يوفي اووكي ) متدرب حديث عهد بكرة القدم مآيسويه .. بالبدآية هو دآخل بتشكيلة إحتيآطية نوعآ مآ على أسآس يريح لعيبته ,, أخذ أهم شئ ممكن يبحث عنه أي مدرب يلعب خآرج أرضه وعنده إستحقآقآت خآرجية اللي هو هدفين بنهآية الشوط الأول .. الآن تخيل معي هذآ السينآريو أنت خآرج أرضك فآيز بـ 2 تفكر في المبآريآت اللي بعدهآ وتبغى تطلع فآيز البديهي أنك بتتوقع ردة فعل قوية جدآ من الخصم لذلك أول عشر دقآئق من الشوط الثآني بتقول للعيبتك نبغى نمتلك الكرة كثير نمررهآ فيمآ بيننآ مآنبغى نندفع للأمآم عالأقل أول ربع سآعة تمر على خير .. الوآقع أن المدرب دخل الشوط الثآني بنفس التشكيلة وبنفس الأسلوب بل والأدهى والأمر أنه كأنه يبحث عن هدف ثآلث ,, مرت ربع سـآعة من المبآرآة الآن " المفترض " لآزم المدرب يتحرك ويطلع لآعب خط وسط ويدخل مدآفع خصوصا إذآ شـآف أن الضغط شوي قوي من الخصم ,, جآء الهدف الأول لفيولآ في الدقيقة 66 >> ركز رآحت ربع سـآعة من الشوط الثآني ,, كونتي الحين إيش قآعد يسوي ؟؟ يتفرج مرت عشر دقآئق ووصلنآ للدقيقة 75 يعني تخيل مآبدل ولآ تبديل للحين !! والفآرق هدف الآن يعني الفيولآ متعطش يدري أن الوضع صآر أسهل ,, جآء الهدف الثآني في الدقيقة 76 تقريبآ ضآعت الـ 3 نقـآط .. لأن نفسيآ خلآص لآعبينك تحطمو طبعآ المدرب يتحمل أنه مآتحرك ولآسوى شئ لكن نقول يلآ مسآمحينك بس أبدأ سو شئ وعالأقل خلهآ تنتهي تعآدل .. 77 تبديل لليوفي مآركيزيو آوت وأرتورو إن ,, إيش تفهم من هالتبديل ؟؟ ولآ شئ للأسف !! لآعب وسط مكآن لآعب وسط ومتقآربين في المستوى ,, 78 هدف فيولآ الثآلث مين اللي جآب الهدف ؟؟ خوآكين لآعب كآن محتفظ فيه مونتيلآ كورقة رآبحة أخرج أكويلآني واللي هو لآعب وسط يميل للمحور وخوآكين لآ عنده نزعة هجومية أكثر !! التبديل متى صآر ؟؟ الدقيقة 56 !! كونتي إيش يسوي ؟؟ قآعد يتفرج خلآص ضآعت المبآرآة ودفآع يوفنتوس أنكشف ,, والدقيقة 80 طلع أسآموآه ودخل جوفينكو على أمل يعني !! 81 ضربهم روسي بالرآبع أنهآهآ مونتيلآ في شوط وآحد ,, وكونتي إيش قآعد يسوي ؟؟ يتفرج بكل أمآنة مو إستنقآص في الرجل مع أني لعنت خيره بس والله أنه يعجبني الروح والصيآح اللي فيه يعني من الأشيآء اللي أشوفهآ مهمة تكون متوفرة في كل مدرب لكن بكل أمآنة مآلهآ فآئدة إذآ كآنت مو مقرونة بتكتيك وآضح وأسلوب لعب وردة فعل سريعة ,, هل تعلم بأن في دكة البدلآء كآن عنده أوغبونآ وكآسيريس !! والله لو أي مدرب يشوف مونتيلآ في الدقيقة 56 يدخل خوآكين بالكثير بالكثير الدقيقة 60 يدخل كآسيريس ويطلع لورنتي مثلآ ويلعب 4 - 5 - 1 ,, والدقيقة 70 أوغبونآ يدخل بدلآ من أسآموآه أو بآدوين الأقل عطآء فيهم وكآسيريس مثلآ يتقدم محور دفآعي ثآلث أمآم المدآفعين ويصير يلعب 4 - 3 - 2 - 1 مآيهم كيف ومين بدآل مين الأهم هو ردة الفعل !! وبعد هذه المبآرآة تحديدآ أيقنت وبنسبة كبيرة جدآ بأن يوفنتوس أكبر بكثير من كونتي ,, على فكرة يعجبني أسلوبك كثير وأحسن الله عزآك في عمتك ..

على المنطق هذا بقولك الإنتر ظهر بعد الكالتشيو بولي ولا كان هو مختفي !!

وأروح أنكر أنه حقق أرقام وحقق نتائج حلوة ! في الموسم الأول مُمكن تقولي مين كان مُنافس اليوفي وكان أفضل وأكثر إنسجام من اليوفي في العناصر ؟ من الطبيعي أني بتوقع الإجابة تكون [ ميلان ] وإذا كانت الأمور على النجوم كان الحين مانشستر يونايتد وضعه أفضل بـ كثير وتشيلسي المفروض حالياً وضعه في الترتيب أفضل من آرسنال !! ووش بيكون تفسيرك حول وضع مانشستر حالياً عندهم مشاكل في العناصر ؟ ما أعتقد المشكلة من مين ؟ من مويس اللي ما لقى الخلطة السحرية إذا صح التعبير وآرسنال ليش يعيش فترة جيدة ؟ أكيد أن المدربين لهم دور ولا ؟ بالذات في التكتيك , أنا من هالكلام راح أستنتج أن المدرب لازم يكون عنده تكتيك حتى ينجح ما راح يقدر ينجح بدون تكتيك يعني كأنك تقول والله مورينهو نجح عشان الإعداد النفسي وفيرقسون نجح كان عنده ثقة ونفس الشي مع فينغر ! بـ خصوص نقطة أن كونتي ما راح يكمل نص موسم لو رجعت الأندية الإيطالية في مستواياتها أنا متأكد أن كونتي راح ينافس لأنه عنده القدرة.

نعم يوفنتوس لديه من أقوى خطوط الوسط في العالم يكفي عنده بيرلو اللي ما يحتاج نتكلم عليه وفيدال من أفضل المحاور في العالم وبالنسبة لي يشابه طريقة لعب يايا توريه من حيث اللعب الهجومي والدفاعي المميز في الجانبين وبوغبا أفضل لاعب واعد وإذا بـ نتكلم عن الأجنحة أكيد مب هم الأفضل لكن عندك أسامواه أفضل جناح في أفريقيا وليشتساينر لاعب بطل يعطيك 100% في المباراة ولاعب حماسي ويقاتل.

كونتي طبق 3 - 5 - 2 بـ طريقة إحترافية جداً وكذلك 4 - 3 - 3 وهذا شي تقدر تتأكد منه بالذات في الدوري الإيطالي , طبعاً مُمكن أتفق معاك أن خطة 3 - 5 - 2 ما تنفع في دوري أبطال أوروبا ولكن هاذي قناعات المدرب وحسب ما يشوف

نجي لـ مباراة فيورنتينا , من خلال كلامي عن توقف المباراة أقصد بأن يُعطي التعليمات فقط , يعني تتوقع كونتي بيقدر يوصل اللي يبيه للاعبين وهم مركزين داخل الملعب سواء كان فريقه يكون هجمة أو قاعد يتلقى هجمة ؟ هذا مقصدي أخوي وإن شاء الله كنت بالصورة اللي أبغى أوصلها.

كونتي لم يدخل في تشكيلة إحتياطية هذا كلام غير صحيح أبداً لأن التشكيلة كانت :

بوفون

كيليني - بونوتشي - بارزالي

أسامواه - بوغبا - بيرلو - ماركيزيو - بادوين

تيفيز - لورينتي

وين التشكيلة الإحتياطية اللي تتكلم عنها نعم ماركيزيو لاعب في الدكة ودخل بدال فيدال وبادوين برضوا ولكن لا ننسى أن ليشتساينر كان مُصاب لذلك لعب بادوين ! اللاعب الإحتياطي الوحيد اللي ممكن نقول عنه دخل المباراة بدال الأساسي هو ماركيزيو فقط !!

هذا أنت قلتها تمر أول ربع ساعة على خير وفعلاً هي مرت على خير وما أستقبل اليوفي ولا هدف !! الهدف الأول لـ فيورنتينا كان من خطأ دفاعي وكونتي ماهو المسؤول عن هالخطأ والهدف هذا سبب إرتباك للفريق وكان سبب حقيقي لـ دخول الأربع أهداف , نعم أن أتفق معك أن كونتي يتأخر في إجراء التبديلات وهذا شي يقهرني من كونتي ولكن هذا لا يعني أنه مُدرب فاشل وما عنده أي فكر في التدريب , تبديل فيدال كان منطقي نوعاً ما لأن فيدال هو العنصر المُكمل لـ بيرلو وبوغبا وهنا قوة يوفنتوس الضاربة , فيدال خلال ربع ساعة يقدر يلعب أفضل من ماركيزيو في 90 دقيقة !! وأختلف معك أنهم نفس المستوى وياليت تتابع فيدال أكثر من كذا لأنه أفضل من ماركيزيو بـ مراحل كبيرة جداً ! برضوا أقول أن تبديل جوفينكو منطقي لأن جوفينكو يملك السرعة ولاعب يملك نوعاً من المهارة ويقدر خلال جهد فردي يربك دفاع الخصم ويسجل زي ما يسوي مثلاً أنشيلوتي مع ريال مدريد يدخل خيسي ليش ؟ عشان عنده سرعة ومهارة ويقدر يسوي مجهود فردي ويضرب فيه الخصم , بعدها دخل الهدف الرابع أكيد المباراة أنتهت وراح يتفرج ما عنده حلول !

أنت قلت أن الروح اللي عنده مُهمة في كل مدرب ولكن مالها فايدة إذا ما معاه طريقة في التكتيك وردة فعل سريعة وإلخ.. أنا بسألك أجل كيف نجح ؟ رغم أنه ما عنده هالشي حسب قولك ؟

في آخر كلامك نعم مُمكن كلامك صحيح ولكن قد يرى كونتي أمر آخر وهذه المباراة لا تعني أن كونتي مدرب فاشل وما يصلح لـ يوفنتوس ومن المجحف للغاية الحكم عليه في هذه المباراة !

يعطيك العافية النقاش معك ومُمتع , اللي توفت عمة الأخت دانيا الله يرحمها ويسكنها فسيح جناته