إقتباس الرسالة الأصلية كتبت بواسطة Madr!d نعم تابعتها أخوي , لكن الكلام هذا هي وجهة نظرك مع كامل الإحترام لـ وجهة نظرك ولكن هذا غير صحيح ! , وش تفسيرك لـ مدرب يحصل على بطولة الدوري مرتين ؟ أنا شخصياً شفت واحد في أحدى المنتديات الأخرى يقول كونتي مدرب محظوظ , لو فرضنا أن كونتي مدرب محظوظ يعني نكتشف أن كونتي يعتمد على خطة كان محظوظ بـ إختيارها وجلب لاعبين وبالحظ نجحوا وبالحظ دفاع اليوفي صار قوي وبالحظ وسط اليوفي صار من أقوى خطوط الوسط في العالم ! , كونتي يمتاز بـ نواحي عديدة ومنها القرينتا ولكن ليس فقط القرينتا ! وقلت ما يمتاز كونتي في ردي السابق وللأسف ذاكرتني خانتني لـ أذكر بعض الميزات اللي عنده مثل التهيئة النفسية وشخصية المدرب أمام اللاعبين بـ حيث أن الـ 11 لاعب يكونون تحت أوامره ويطبقون الخطة بالظبط ! , كونتي مدرب يملك التكتيك ولكن ليس من المدربين الأوائل في التكتيك وهذا شي منتهين منه ولكن بـ خصوص أنه لا يملك تكتيك فـ هذا غير صحيح ولا يوجد مدرب يصمد طويلاً دون تكتيك فـ أي دوري فما بالك في دوري مثل الإيطالي ! بعد هذا الكلام نجي بـ خصوص مباراة فيورنتينا , هُناك عوامل وظروف حصلت في المباراة أولها بعد تلقي اليوفي الهدف الأول تسبب بـ إرتباك من اللاعبين وهذا أمر لا يستطيع أن يفعل به كونتي أي شي وأخطاء من اللاعبين وهذا أمر أيضاً لا يتدخل به كونتي إلا في حال كانت المباراة متوقفة , المستر ليس المسؤول عن إذا أضاع اللاعب فرصة أو اللاعب أخطأ داخل الملعب ولا يستطيع معالجة أخطاء اللاعبين إلا خارج الملعب أو إذا كانت المباراة متوقفة !. لك

تذكر عزيزي أنه حصل على بطولة الدوري مرتين في عآم إنهيآر الكرة الإيطآلية أسألك بالله وين ميلآن ووين الإنتر اللي كآنو يصولون ويجولون في أوروبآ مو بس في إيطآليآ ..

الكل أنهآر كل الأندية الإيطآلية أصبحت تعآني بإستثنآء يوفنتوس اللي كآن أفضلهم مآديآ ..

ولو تجيب أي مدرب في ضل كوكبة النجوم اللي يملكها يوفنتوس الآن بإمكآنه يحقق الدوري ,,

وأقول نجوم مقآرنة ببقية لآعبي الدوري الإيطآلي فقط ..

روح جيب رآنييري طيب الذكر وصاحب الحظ العكر ورح يسويها أخيرآ بعد مآكآن يحفر مآبقى فريق مآدربه عشان يفوز بالأسكوديتو ومآقدر ..

الدوري الإيطآلي بالنسبة لكونتي مو صعب ولآ رح يكون صعب إلآ لمآ تشوف كل الأندية تعود لمآ كآنت عليه في السآبق وتشوف التنآفس اللي كآن موجود قبل وقتهآ صدقني كونتي مآرح يكمل نص موسم ..


بس دقيقة يوفي خط الوسط عنده من أقوى خطوط الوسط في العالم !!

كل مآقلته عن كونتي أوآفقك فيه إلآ أني أخآلفك في مفهوم الخطة اللي يطبقهآ كونتي لأني بكل أمآنة مو قآعد أشوف لمسآته في الفريق " فنيـآ " طبيعي كل مدرب يملك تكتيك لكن العبرة ليست بإمتلآكه بل بتطبيقه بإحترآفية وهذآ هو الشئ اللي يفتقده كونتي ,,

كونتي لسى يحتآج وقت طويل عشان يصبح مدرب ممتآز لذلك من الظلم مطآلبته بكل شئ الآن ومن أهم هذه الأشيآء التشآمبيونز لسى بدري مرة مرة ..

أمآ بمبآرآة فيورنتينآ معليش شلون مآيستطيع يفعل أي شئ إلآ إذآ كآنت المبآرآة متوقفة هذي كرة قدم وليست كرة سلة أو يد حتى يطلب وقت مستقطع !!

أنآ أذكرك بإيش صآر في المبآرآة واللي ( معليش جمآهير يوفي اووكي ) متدرب حديث عهد بكرة القدم مآيسويه ..

بالبدآية هو دآخل بتشكيلة إحتيآطية نوعآ مآ على أسآس يريح لعيبته ,,

أخذ أهم شئ ممكن يبحث عنه أي مدرب يلعب خآرج أرضه وعنده إستحقآقآت خآرجية اللي هو هدفين بنهآية الشوط الأول ..

الآن تخيل معي هذآ السينآريو أنت خآرج أرضك فآيز بـ 2 تفكر في المبآريآت اللي بعدهآ وتبغى تطلع فآيز البديهي أنك بتتوقع ردة فعل قوية جدآ من الخصم لذلك أول عشر دقآئق من الشوط الثآني بتقول للعيبتك نبغى نمتلك الكرة كثير نمررهآ فيمآ بيننآ مآنبغى نندفع للأمآم عالأقل أول ربع سآعة تمر على خير ..

الوآقع أن المدرب دخل الشوط الثآني بنفس التشكيلة وبنفس الأسلوب بل والأدهى والأمر أنه كأنه يبحث عن هدف ثآلث ,,

مرت ربع سـآعة من المبآرآة الآن " المفترض " لآزم المدرب يتحرك ويطلع لآعب خط وسط ويدخل مدآفع خصوصا إذآ شـآف أن الضغط شوي قوي من الخصم ,,

جآء الهدف الأول لفيولآ في الدقيقة 66 >> ركز رآحت ربع سـآعة من الشوط الثآني ,,

كونتي الحين إيش قآعد يسوي ؟؟ يتفرج

مرت عشر دقآئق ووصلنآ للدقيقة 75 يعني تخيل مآبدل ولآ تبديل للحين !!

والفآرق هدف الآن يعني الفيولآ متعطش يدري أن الوضع صآر أسهل ,,

جآء الهدف الثآني في الدقيقة 76 تقريبآ ضآعت الـ 3 نقـآط ..

لأن نفسيآ خلآص لآعبينك تحطمو طبعآ المدرب يتحمل أنه مآتحرك ولآسوى شئ لكن نقول يلآ مسآمحينك بس أبدأ سو شئ وعالأقل خلهآ تنتهي تعآدل ..

77 تبديل لليوفي مآركيزيو آوت وأرتورو إن ,,

إيش تفهم من هالتبديل ؟؟ ولآ شئ للأسف !!

لآعب وسط مكآن لآعب وسط ومتقآربين في المستوى ,,

78 هدف فيولآ الثآلث

مين اللي جآب الهدف ؟؟ خوآكين لآعب كآن محتفظ فيه مونتيلآ كورقة رآبحة أخرج أكويلآني واللي هو لآعب وسط يميل للمحور وخوآكين لآ عنده نزعة هجومية أكثر !! التبديل متى صآر ؟؟ الدقيقة 56 !! كونتي إيش يسوي ؟؟ قآعد يتفرج

خلآص ضآعت المبآرآة ودفآع يوفنتوس أنكشف ,,

والدقيقة 80 طلع أسآموآه ودخل جوفينكو على أمل يعني !!

81 ضربهم روسي بالرآبع أنهآهآ مونتيلآ في شوط وآحد ,,

وكونتي إيش قآعد يسوي ؟؟ يتفرج


بكل أمآنة مو إستنقآص في الرجل مع أني لعنت خيره بس والله أنه يعجبني الروح والصيآح اللي فيه يعني من الأشيآء اللي أشوفهآ مهمة تكون متوفرة في كل مدرب لكن بكل أمآنة مآلهآ فآئدة إذآ كآنت مو مقرونة بتكتيك وآضح وأسلوب لعب وردة فعل سريعة ,,

هل تعلم بأن في دكة البدلآء كآن عنده أوغبونآ وكآسيريس !!

والله لو أي مدرب يشوف مونتيلآ في الدقيقة 56 يدخل خوآكين بالكثير بالكثير الدقيقة 60 يدخل كآسيريس ويطلع لورنتي مثلآ ويلعب 4 - 5 - 1 ,,

والدقيقة 70 أوغبونآ يدخل بدلآ من أسآموآه أو بآدوين الأقل عطآء فيهم وكآسيريس مثلآ يتقدم محور دفآعي ثآلث أمآم المدآفعين ويصير يلعب 4 - 3 - 2 - 1


مآيهم كيف ومين بدآل مين الأهم هو ردة الفعل !!


وبعد هذه المبآرآة تحديدآ أيقنت وبنسبة كبيرة جدآ بأن يوفنتوس أكبر بكثير من كونتي ,,


على فكرة يعجبني أسلوبك كثير وأحسن الله عزآك في عمتك ..