إقتباس الرسالة الأصلية كتبت بواسطة زعيم ( 6 ) اسيا بخصوص عامل الظغط انا اقصد ان في بطولة الدوري : المباراة بين الاعبين والوقت !! فهمتني او لا ؟؟ لان الجمهور والاعبين كل ماتقدم الوقت يزداد الظغط ويكون فيه استعجال على النتيجه لان الهلال لايريد التعادل !! اما بطولة الكاس : المباراة بين الاعبين الهلال ولاعبين الخصم وليس الوقت !! يعني يكون فيه حذر وبدون استعجال على النتيجه لان لو تعادل فيه اشواط اضافيه ومافيها خسارة نقاط

كلام منطقي جداً ومقنع وفي نفس الوقت ممكن ينطبق على اي فريق في الدوري
ومن الاول انا فاهم عليك ويمكن اغلب الجمهور يفكر بنفس الطريقه
وازيد عليه ممكن احساس الاعبين ان الكأس بطوله منفصله وتحسم كل مباراة في وقتها له دور كبير
لكن في المجمل كل هذه لاتؤخذ في عين الاعتبار في التحليل الفني
والسبب بسيط جداً
كل الفرق تلعب تحت الظغط (بسبب وضعه في سلم الترتيب او بسبب الاصابات او بسبب التحكيم)
وهذا باب كبير
عندك مثلا الهلال لو كان في المركز الاول نقول يلعب تحت الظغط ونخاف من اي تعثر نفقد فيه المركز الاول
حتى الفريق في المركز الثاني عشر(الفيصلي) تحت الظغط يخاف من التعثر ويدخل في دوامة الهبوط
واكثر مراكز فيها ظغط المركز الاول والثاني عشر
وممكن الان يجي احد الاعضاء ويقول حنا في المركز الثاني وماعندنا شيء نخسره
ليه تحت الظغط يابطولة الدوري او الثاني مثل الثالث والرابع

علشان كذا نقول التحليل الفني ما يأخذ الظروف المحيطه بالفريق
هو يقتصر على الطريقه والتكتيك والتنظيم في المباراة نفسها فقط

نجي للاهم التنظيم الدفاعي
انت ذكرت ان ياسر الشهراني والفرج يلعبون في غير مراكزهم
اذاً هذا التوظيف يعود للمدرب
والتوظيف الغير جيد يولد الاخطاء الجماعيه وبشكل متكرر
انا اتفق معك ان الاخطاء الفرديه لايتحملها المدرب (مثل خطاء السديري)
واتفق معك ان المدرب لايتحمل هبوط مستوى بعض الاعبين (مثل العابد)
لكن جميع الحالات الى انا استعرضها في كل مواضيعي هي حالات سوء تنظيم
وتوظيف
واتفق مع جميع الاخوان وهذا كلام عام للكل لابد ان يأخذ المدرب اقل شيء موسمين
مع الفريق اي مدرب مهما كان
من الجهل الحكم على اي مدرب من كم مباراة
والتحليل الفني يختص فقط بعمل واداء الفريق في المباراة
وليس له علاقه بتقييم المدرب او حتى اي لاعب بوجه مطلق
هو يقتصر على الطريقه والتكتيك والتنظيم اثناء سير المباراة
فقط لااقل ولا اكثر