| *
هاردلكم > بنقولها كثير
ودكم اي مباراة يعك فيها تشلسي م تنقلها الجزيرة خخخ
م شفت المباراة لا اعادة ولا ملخص ، بالغلط حاط على الاخبارية وجابو الاهداف عالسريع وتندمت اني ناظرتها بعد
مجرد معرفتك انك لاقم 6 اهداف اخر مبارتين تغسل يدك من الدفاع والمدرب!
دفاعنا بداية الموسم وشزينه! وش اللي تغير اخر مبارتين؟ ان دلك فهذا يدل ان المدرب مطرس وباقي مصّر على مطرسته!
المو مشكلته م يقتنع لين ياكلها علقة صح فوق راسه بعدين تشوفه يعترف بخطأه ويجري التغييرات! ليه تكابر طيب؟
اشلي لحطته مبارتين رجعه! الى متى بتخليه جنبك؟ ازبي رجعه لمكانه وخل ايفا يسترجل شوي
اثبت على محور واحد (ميكيل او ايسيان) وداور بين راميريز ولامبارد ، وقدام مطرس براحتك عندك اسماء عند الفرق الثانية اساسية!
مسألة دروب تشلسي نهج فريق للحين م تشبعه الاعبين بالشكل الصحيح ، مع ان الاسماء اللي عندك تعطيك بأي تشكيلة ودك تلعب فيها
بس راس مورينهو يابس ، العب بالخطة اللي انا ابيها واللي م تعجبه او م يمشي عليها يقضب الباب!
الشي الكويس ان الارسنال تعثروا ها الجولة وما ابعدوا عننا ، الشي المش كويس ان الليفر رجع معنا بالخط وتحتنا الستي وايفرتون
يعني اي تعثر بندحدر للخامس ويمكن لأسوء من ها المركز ، الارسنال قدامه الجولتين الجاية الستي وتشلسي .. فرصتنا في حال سووها الستي يجون لنا بفارق 2 يعني بالمختصر مباراة الصدارة ، ولا علينا من نتايج الليفر لان ورانا مواجهه معهم
اما في حال دعسوا على الستي وطلعوا مننا بنتيجة ايجابية ، فما اقول الا ربي يهنيهم بالدوري لأنهم اثبتوا احقيتهم فيه
فريق منسجم ويقدم مستويات قوية ومتمسك بالصدارة بالرغم من صعوبة الجدول ، بعكسنا اللي ننقط من اذيل فرق الترتيب!
"وقلت استغفروا ربكم انه كان غفارا"
استغفرالله العظيم واتوب اليه  | 