إقتباس الرسالة الأصلية كتبت بواسطة القاضي بأمره اخوي صاروخ رفالينو علشان ارد على سؤالك ليه حنا نصل بصعوبه ولا نسجل وغيرنا الامر سهل ( لمستين) وهدف تابع معي الرسم التوضيحي للصوره النمطيه عندنا في الهجوم في كل الحالات نلعب الكره بعد كم تمريره الى سالم الدوسري او العابد وينتظرون حتى خروج الظهير الشهراني او الفرج حتى يصل للطرف ثم تمرر له ثم يلعب الكره اما رفعه او عرضيه بنسبة 100% غير مجديه( في كثير من الحالات ينتظر السالم او العابد اكثر من 30 ثانيه حتى يكمل الظهير معه)وهذا التعطيل الغير مبرر ماله أي هدف تكتيكي فقط يعطي شكل هجومي كثيف بدون أي فعاليه بعد الرفعه الي قلنا في الغالب مالها صاحب غير المنافس تقطع الكره وتلعب في المكان الى مبين في الصوره بالدوائر الكبيره وهنا تبداء معاناة الفريق تجد الكره بسرعة الصاروخ خلف المهاجمين كما هو مبين في الصوره حسب تمركز مهاجمين الخصم نجي للخصم كلهم تقريباً لعبو ضدنا بمهاجمين ليه يعني سذاجه منهم لالالا هم مدركين اهم واكبر عيوبنا هم عارفين ان المنطقه الي تخلفها الاظهره في حالة الهجوم علشان تعطي الشكل الهجومي الوهمي هي مصدر الكسب لهم وهي اكبر مشكله تواجهنا لدغنا منها كثير ولا اعتقد انها راح تتغير حتى لو كان هنالك تغيير نوعي في الاعبين لايمكن يجدي وياليت أي عضو قبل الرد فقط يتابع طريقة هجومنا الطريقه الي مانشوفها غير (في كرة اليد) ويشوف رسمي التوضيحي ويطبقه على كل الحالات الي تسجل علينا راح يلاحظ بسهوله ان الدائرتين الكبيره الي في الشكل هي اساس المشكله وهي منابع الخطر اما بالتمرير الطويل او الجري في المساحه الخاليه وسحب المدافع المتأخر وتمرير الكره بسهوله للمهاجم وانا وانت لو كنا مكان المدافع ونشاهد المساحه الرهيبه الخاليه امامنا على اعتبار اننا كاشفين الملعب ولا فيها غير الخصم صدقني راح نغلط ثم نغلط الى مشاء الله

لعب أسلوب تقليدي ومثل ما ذكرت مثل كرة اليد .......!!

وإعلاميين هلاليين وجماهير يتكلمون عن ضعف دفاعي
ويتجاهلون أسلوب اللعب ...اللي ضيع الفريق

ما ينلام الدفاع إذا كان يخطيء

أمس دفاع النصر كان شوارع أمام الشباب رغم الكثافة العددية للدفاع النصراوي
فما بالك بمدافعين لا وسط ولا أظهرة .......

يا الغالي ليتك تتكرم وتعطينا رأيك في موضوعي اللي كتبته
http://vb.alhilal.com/t1164490.html

ونتمنى نشوف لك مواضيع

تقديري لك