السلام عليكم ورحمة الله وبركاته ..
مشكورين وهاردلك لـ الجميع ..

مهزلة ومسخرة تحدث في الهلال ، حرق أعصاب عَ الفاضي وأشباه لاعبين داخل الملعب والله حرام عليهم !!
من بداية الموسم ما فيه مباراة يقال عنها مستوى ممتاز لكن أمس كانت الأسوأ بدون منازع خاصة أنها مع المركز الأخير ..
إلى هذي الدرجة بناء الهجمات ضعيف والا العناصر ضعيفة والا وش المشكلة بالضبط اللي تجعل الشعلة يبني هجمات أكثر وبطريقة أفضل من الهلال !! شيء غريب جداً أن فريق مثل الهلال يعجر عن تمرير كرات بشكل سليم والوصول لمنطقة جزاء الخصم وفي المقابل الخصم يكسر دفاعه ويسبب خطورة ويصل مرات كثيرة لمنطقة جزاء الهلال ويحرز هدفين في ثلاث دقائق !!

أمس بالتحديد الهلال ظهر مجهول الهوية وبدون أي لمحة تكتيكية واضحة ، كأن سامي أعطاهم توجيه بالتشكيلة فقط والباقي على اللاعبين ، للأسف الاستهتار بالخصم وكونه المركز الأخير كان واضح من أول الدقائق ورغم ضعف الخصم لكن يظهر الهلال بشكل أضعف منه ..

أتمنى الاستفادة من هذا الاستهتار ، ورغم عدم الرضا على سامي إلى الآن لكن أتمنى دعمه وحتى لو لا قدر الله لم يحصل الهلال على الدوري فـ أتمنى استمراره شرط أن يستفيد من الأخطاء اللي للأسف يكررها بشكل مكشوف ولا يستفيد منها لكن أتمنى يكون هذا الاحتمال غير وارد ..

وقت طويل متبقي على نهاية الدوري ، المؤسف أن الهلال بيده ابتعد عن الصدارة وأصبح مضطر لـ الاعتماد على نتائج الآخرين لتعديل أوضاعه ، أتمنى الاستفادة من الأخطاء اللي نشوفها تتكرر دائماً وبشكل ملحوظ ، وأتمنى أيضاً الاعتماد على الأسماء الأنسب والأفضل واللي أشوف سامي للأسف ما يطبقها ، لاعبين أقل ما يقال عنهم من المهزلة أن يزاولوا كرة القدم ونشوفهم يشاركون أساسيين في الهلال ، بدري نتكلم عن بقاء الأمل بالدوري لأن الوقت المتبقي طويل لكن أتمنى تصحيح الأخطاء لتعديل الأوضاع ومفاجأة الجميع بـ هلال أقوى في الجولات القادمة بإذن الله ..