ابو عتب لاتأخذك العاطفة كلنا معصبين وكلنا قافلة معنا بس هذي كرة القدم لابد الفريق يمر باختبارات
ومافيه مدرب بالعالم ماينهزم خصوصا انه مدرب جديد بالفريق وجديد في عالم التدريب عموما انت امس
لعبت قدام كاريينيو مالعبت قدام اي مدرب لابد من الاعتراف بان كاريينيو داهية وعارف لاعبينه زين

وعارف مستوياتهم والدليل انه امس مقفل تقول نلعب قدام فريق درجة ثالثة كاريينيو طريقته في التدريب
مثل طريقة كوزمين تماما مع تفوق الاخير طبعا ولكن نظرية كاريينيو لاحظها واتوقع العموم لاحظها عليه
هي الي تفوز فيه العب فيه ماعنده انا فريق كبير عيب اقفل ومن هالكلام عنده الي تفوز فيه العب فيه
انشاءالله يلعب ب10 دفاع وواحد قدام ويلعب على المرتدات اهم شي يطلع بنتيجة ايجابية وامس تكتيكه

اكلنا اكل صراحة وهذا السبب في ان نجومنا كان مستواهم هزيل حتى ناصر ماله شي غير الهدف نيفيز
بعد ماله اي شي يذكر غير اوفر الهدف عموما امس الخطأ نعم كان من بعض اللاعبين ولكن الخطا الاكبر
كان من سامي يعني انت تقول مافيه الا ناصر ونيفيز يستحقون يلعبون للهلال طيب ياسر الشهراني ماسألت
نفسك ليه مستواه جدا متذبذب هالموسم وخصوصا مباراة امس كان موجود كرقم وكافانيلة فقط ماشفنا ياسر

الي نعرفه والعلة ماهي فيه في سامي مركزه ظهير يسار وانت جايبه عشان تبي تلعبه ظهير يسار عموما
ياسر لم يبدع في مركزه الملفق الجديد الا في مباريات تنعد بالاصابع هالموسم مباراة الشباب يمكن اما باقي
المباريات يمكن دفاعيا جيد جدا ولكن في الهجوم لك عليه والسبب ارجع اقولك ماهو منه من الكوتش ومانقدر
نلومه لانه مو مركزه كذلك الفرج تلفقله مركز جديد مغاير تماما لمركزه الاصلي وتبيه يلعب صح اتوقع صعبة
كأنك جايب ميكانيكي وتقوله عندي الكهرباء بالسيارة محيوسة بالله صلحها واذا ماصلحها تقول انت ميكانيكي
معليش ماتجي ياعزيزي

نفس الكلام وكذلك عادل هرماش ملعبه جناح امس وين الجناح ووين عادل مواصفات اللاعب الجناح لايمكن
ان تنطبق على عادل لاسرعة ولاخفة ولا شي عادل قوي في الالتحامات ويملك رجل قوية ولكنها مافيها تركيز
يعني من 5 شوتات يمكن وركز على كلمة يمكن تجي وحده فهذا واضح لاعب محور لو ملعبه خلف المهاجم امس
ومخلي نيفيز على الطرف كان افضل وكان راح يعطي اكثر طبعا اتكلم على مركز عادل بعد ماطلع الكوتش سالم

وطبب الشلهوب كثير لاعبين امس ماابدعوا لان سامي ماوظفهم صح وخصوصا بالشوط الثاني وغير كذا تبديلاته
كانت خطا على سبيل المثال ياسر ماكان مفروض سامي ينزله والهلال مهزوم وياسر ماهو جاهز لمباراة زي كذا
وفريقك مهزوم قدام فريق مقفل تقفيل عجيب لان ياسر لاعب ثقيل مايصلح بهالاوقات وراح تحرجه كونه كابتن
وممكن تجي عكسية على نفسيه اللاعب يااخي اذا انت ملزم تبي مهاجم عندك السالم اجهز ويبي فرصة عشان
يثبت نفسه مع عدم اقتناعي بيوسف لكن امس لو طببه كان يمكن يسوي شي لان الروح هنا والاصرار على
اثبات النفس ممكن تجيب نتيجة بالاضافة الى انه اخف من ياسر

عموما بالنهاية احمد ربي ان فريقي باسوء مستوياته كاد ان يخرج بالفوز من امام النصر لولا هدايا السديري
وسامحني على سوء تنسيقي بردي الاول عشان كذا قلت لازم اعدله وبالاخير كل كلامي عن سامي ماهو الي
في سبيل الاصلاح احب سامي واعشق سامي نعم ولكن لازم اذا اخطأ اقول اخطأ عشان مايطمرلي احد مطفي
النور ويقولي انت ماتحب سامي ومن هالكلام لا احب سامي واحب ابو يعقوب واحب نواف التمياط واحب حتى
المفرج والمرشدي واي شخص سواء كان لاعب او اداري او منتسب لهذا الكيان اعزه واقدره ولكن يبقى الهلال
فوق كل الاسماء وكل الاشخاص واخيرا شكرا لك على موضوعك وتقبل مروري والسلام خير ختام