السلام عليكم

اخواني اول شي اقول لكم هاردلك الخساره
والتي ليست نهايه المطاف
واتمنى ان تكون نقطه تحول للهلال عامه ولقناعه سامي خاصه

نرجع للهلال
اول شي

الحراسه
الكل تكلم عن السديري وهذا من ابسط حقوقنا كمشجعين ومحبين لهذا النادي
ونستغرب من عدم اشراك السبيعي نظرا لتكرار الاخطاء من السديري
فالسديري اتوقع هذا مستواه ولا عنده شي يقدمه اكثر من الي قدمه
المفروض نشوف السبيعي ونعطيه فرصه
يعني مو من اول مباره يخطي فيها نطالب بتغييره
المفروض تعطيه فرصه مثله مثل السديري

خط الدفاع
آآآآآآآآآآه ثم آآآآآآآآآه
وش مشكلتنا مع هالخط
هل المشكله انه الهلال جاب لاعب مثل رادوي ولما راح عرفنا انه ماكان عندنا دفاع
ولا المشكله مشكله القلوب بس
ابي اعرف وين الحافظ ووين الدعيع
معقوله مافي هالبلد الا هالولد
الكوره صحيح مستواه حلو بس لاعب يتنرفو على طول وكل مباره اخاف يطلع بكرت احمر
مثل مباراتنا مع النصر الصراحه يستاهل الطرد وبقوه
لاعب يلعب للضرب اكثر من لعبه للدفاع
وكملها يحيى المسلم , اللاعب كان مرتبك والمباراه كانت اكبر منه والبارح كان المرشدي هو المناسب او بمعني ادق ( ازين الشين )

المحاور
المشكله في كاستيلو
يعني هرماش لاعب جيد في توزيع اللعب ومسانده الهجمات والتصويب للمرمى
ولكن يعيبه ضعفه في التغطيه الدفاعيه
لذا الهلال يحتاج لمحور دفاعي يكون يلعب في الخلف بشكل قوي

من المباره
اللاعبين ماكانو في مستواهم
وكانت التمريرات المقطوعه كثيره وسببت هجمات مرتده علينا
الارتباك الواضح لغالبيه اللاعبين
اللعب الفردي

سامي وتغييراته
تطليعه العابد حلوه بس المفروض ينزل مكانه عزوز الدوسري
لان عزوز لاعب وسط بمواصفات مهاجم
وامس الكل شايف انه مافيه هجمات تذكر للهلال

عموما هي كلها 3 نقاط ولا حصلنا عليها
ونحمد الله على كل حال

وان شاء الله تكون نقطه تحول للهلال
ونحتفل جميعنا بالتتويج بهذه البطوله
ونترك لغيرها فرحه الفوز بمباراه