السلام عليكم ورحمة الله وبركاته
اسمحلي يااخ غريب كلامك بعيد عن الواقع و(غريب) انت تسمي التمياط.. الشلهوب... المطرف...العويران... فيصل الصالح....النزهان.... محمد القحطاني ....الدوخي....الناصر...والشايع.... هذولا كلهم ماعجبوك هذولا اشباح ولا انت بس تردد كلام ابو اثنين ياخي عط عقلك فرصه وفكر شوي الحقيقه واضحه وبعدين انا مادري وشلون مدرب كبير مثل جورج ارثر وقائد الفريق البرتغالي في كاس العالم وله تاريخه بياخذ عموله على ادميلسون في ذمتك انت مصدق.....! اذا انت مصدق هذي مصيبه وبعدين ادميلسون كل مباراه يجيب هدف هدفين انا ماادري ليه كل الهجوم على الاعب توه جديد على الدوري عطوه فرصه يعني مادري وش تبون بالظبط وبالنسبه لتركي القحطاني ليه مستعجلين عليه ياخي خميس اول ماطلع اذا انت متابع جيد لمباريات الزعيم كان يجيب اهداف في فريقه والحين افضل محور على مستوى اسيا وبعدين فيصل ابو اثنين مافي احد سلم من لسانه ولا تبي اذكرك والمصيبه لا مو مصيبه انا اعتبرها طامه كبرى انك تسمح لنفسك انك تنسب انجازات الهلال لفيصل ابو اثنين او لاي لاعب بعينه انجازات الهلال تحققت بفضل من الله سبحانه وتعالى ثم بفضل تكاتف الجميع من لاعبين واداره و جماهيروبعدين ماهو صحيح انك تتكلم عن رجل مثل المصيبيح بهذي الطريقه ياحبيبي لو ان المصيبيح شخص ماهو محترم كان رد على ابو اثنين بنفس الاسلوب لاكنه احترم نفسه واحترم الجميع والرجل هذا هو اللي طلع كل المواهب اللي ذكرتهم واذا انت ماتدري فهذا دليل على انك جالس في بيتكم وتهاجم ولا عمرك طبيت النادي وحضرت تمارين النادي ياحبيبي كنا نروح نتفرج على الشلهوب وكان عمره مايتجاوز 12سنه ومعه نجوم صغار برعاية المصيبيح اللي صراحه يعاملهم معامله راقيه و بطريقه ابويه ويتابع حتى دراستهم اذا انت ماتدري وبعدين اذا نسق كم لاعب فهو نسقه لسبب اخلاقي بحت وانا شخصيا معه في اسلوبه هذا لان الاخلاق تجي بالاول فلا تظلم الرجل عشان شخص مايستاهل ولمعلوميتك والكلام هذا ان شالله اني متاكد منه الكل في النادي متاذي من ابو اثنين وماسلم من لسانه ....ارجو انك ماتزعل مني ويكون صدرك وسيع واختلاف الراي لا يفسد للود قضيه .....وسلامتكم