28/10/2013, 12:45 AM
|
 | زعيــم فعــال | | تاريخ التسجيل: 12/06/2009 المكان: الشرقية
مشاركات: 254
| |
.
.
.
السلام عليكم
هاردلك الخساره 
بداية في كل خساره قلما تلقى أيجابيات والغالب يكون سلبيات حصلت
 | إقتباس |  | | | | | | | | | |
أتمنى مايخبص أنشلوتي ولا يجازف لأن برشلونه بيهاجم في كل الأحوال لانها افضل فرصه لهم في زيادة الفارق الى ست نقاط | |  | |  | |
هذي الجمله كانت بأخر ردي السابق قبل الكلاسيكو , لا تخبص ولا تجازف ألعب بشكل متوازن ألعب بأمكانياتك
لو بنتكلم عن التخبيص في تشكيلة بداية المباراه بنتعب نفسيا , قبل ما نزلت التشكيله الرسميه بدقائق كتبت تغريده في حسابي في تويتر وقلت
في المباريات الكبيره المفاجئه تكون لاعب جديد او تكتيك تغيره او طريقة لعب تتبعها , أما أنك تحط بيبي وفاران البطيئين نسبيا أمام سرعة لاعبين برشلونه في قلوب الدفاع + بيبي على الجهه اليسرى وهو غير معتاد عليها , وراموس محور أرتكاز أمام فريق قوته الأساسيه في التمرير و بيل أساسي لأول مره في كلاسيكو وقدام فريق قوي جدا ومع كل هذي المصايب تلعب بدون مهاجم صندوق سواء بنزيما او موراتا أو حتى تطلب من رونالدو التواجد في الصندوق وبدل عن هذا تسمع وتشوف فقط 3 أسماء في الأمام ولا تدري بيل يمين والا بالنص ورونالدو بالنص والا يسار ودي ماريا وش مركزه !
وجود راموس في الأرتكاز كشف خشونة راموس بشكل كبير فأخذ أنذار من أول 16 دقيقه تقريبا وكاد بعدها أن يطرد , وجود راموس في قلب الدفاع يخفي كثير من خشونته لأن المدافع يحق له الأحتاك أكثر مما يحق لـ لاعب الوسط ( هذي بوجهة نظر الحكام ) فمرات تشوف مدافع يحتك بشكل قوي ويمشي اللعب ولاعب ارتكاز او وسط يحتك بنفس الأحتاك في نص الملعب وتحسب فاول وكرت على اللاعب
لو تواجد راموس في قلب الدفاع كان الفريق كان منظم دفاعيا , هدفبرشلونه الثاني مثلا كان غلط مشترك من البدايه من بيبي المتقدم بدون سبب ومررت الكره من خلفه لسانشيز وثانيا من فاران اللي ببساطه كان لو مكانه راموس الخبير القوي بدنيا كان تدافع مع سانشيز وأزاح اللاعب عن منطقة الخطوره او ازاح الكره , لكن اللي سواه فاران بسبب قلة خبرته انه تدافع مع اللاعب وسبقه سانشيز ولحقه فاران و وقف قدامه كما هو موضح في هذي الصوره
وقفة فاران و أعطائه فرصه للنظر الى المرمى والتفكير كيف يصوب الكره من فوق لوبيز اللي كان متقدم كانت سبب أساسي في الهدف , فاران حتى ما وقف قدام سانشيز بشكل أنه حتى لو سدد ترتطم الكره فيه !
نجي لـ لوبيز اللي كان متقدم 7 أمتار عن المرمى في لقطة الهدف والسبب يعود الى أنه أعتقد أن سانشيز تجاوز فاران وبينفرد فيه وهذا مو مبرر له بالتقدم بهذا الشكل ونرجع ونقول الخطأ كان مشترك بين بيبي في تقدمه وفاران في السماح لسانشيز بحرية التسديد ولوبيز في التقدم , ولكن اذا بغيتم رايي الشخصي فراح أحملها لفاران لوكان أقرب للاعب وحاول يخلص الكوره قبل مايواجه سانشيز المرمى ويسدد كان ماحصل أي شيء من اللي حصل , وهذي المره الثانيه اللي يتسجل فيها هدف على ريال مدريد وعلى لوبيز تحديدا بشكل جميل ويكون السبب فاران , تذكرون هدف دروغبا بالكعب وكيف فاران كان مغطي عليه بشكل سيء !
بالنسبه لكارفخال أو أربيلوا ؟
ما تفرق في الحالتين راح يمصخرهم نيمار لأنه دي ماريا ماكان فيه يومه وماكان يساند الجانب الدفاعي , زد على ذلك أن نيمار لاعب كبير وقد سوا البلاوي في أربيلوا في مباراة البرازيل وأسبانيا وكارفخال حاول معاه ولكن يد وحده ماتصفق !
كل تخبيص أنشلوتي في الشوط الأول تلخصه هذي اللقطه
الشوط الثاني كان الفريق جيد جدا وقدرنا نمرر ونلعب بشكل منظم وهجومي وشفنا برشلونه لأكثر من ربع ساعه يتكتل فيالخلف أمامنا ويلعب بالمرتدات , وضاعت هجمت خضيره وهجمت بنزيما وبلنتي رونالدواللي ما أحتسب فكان ممكن يكون العدل أننا نخرج بنتيجة تعادل على أقل تقدير
كرة بنزيما اللي سددها وأرتطمت في العارضه لوكانت تحت بـ نص متر لكانت هدف في الزاويه التسعين !
دي ماريا خان أمالنا في تلك المباراه ولأول مره في الموسم أشوفه بمستوى سيء جدا وممكن السبب يعود الى ماقدمه من مجهود خرافي قبل مباراة الكلاسيكو بثلاث أيام قدام اليوفي ولا ننسى أن الريال أرتاح فقط 3 ايام قبل الكلاسيكو وبرشلونه 4 أيام وهذي تفرق كثير لياقيا
الويلزي ماقدم شيء لكنه حاول وأعتقد أنه لحد الأن ما تقدر تقارنه في نيمار , بيل أغلب الموسم مصاب ومده طويله مالعب أو تدرب بشكل قوي , لكن الصبر عليه مطلوب واذا بدء يعود لمستواه اللي عهدناه راح يشكل قوة ضاربه مع رونالدو , أهم أسباب جلب نيمار وبيل الى برشلونه وريال مدريد هي فائدة الفريق أولا وتخفيف الضغط عن نجوم الفريق واللي يعتمد عليهم الفريق بشكل دائم في التسجيل ميسي ورونالدو , وشفنا أمس كيف ميسي يتمشى على الكورنيش وكل اللي يسويه التمرير ونيمار لاعب الدور المؤثر وسبب كل خطوره تأتي من برشلونه , وهالشيء مهم جدا في ريال مدريد فمو معقول بنجلس في كل كلاسيكو وكل مباراه مهمه نعول ونتأمل في رونالدو أن يفعل كل شيء كأنه رجل ألي .. سجل لنا في كم مباراه وأنقذ لنا مباريات الليغا سجل لنا هدفين قدام اليوفي ويسجل لنا في كل كلاسيكو , واذا لاحظتم حتى في هذا الكلاسيكو أبدا ماكان سيء كل خطورة الريال كان لرونالدو علاقه فيها .. هجمته الضائعه اللي سددها بقدمه اليسرى وضربة الجزاء اللتي لم تحتسب وهجمة خضيره الضائعه هو من صنعها والهدف الوحيد لنا هو من ارتد بسرعه وصنع الهدف !
عموما راح أذكر اللي على المدرب واللي له , بعد المباراه أمس شفت واحد أسباني يسب في الماركا ويقول أنها هي سبب الخساره أستغربت اللي فهمته .. أن فيه أمور بسيطه ممكن تغير لك نتائج مبارة ، الماركا سربت تشكيلة الفريق في الكلاسيكو قبل مايعلنها الموقع الرسمي وذكرت في خبر انه في امكانيه يشرك المدرب بيبي او راموس في نص الملعب كلاعب إرتكاز.. اللي يهم بالموضوع كله ان تاتا قال في المؤتمر اللي أتى بعد المبارة انه علم ان راموس او بيبي راح يلعبون إرتكاز فغير تكتيك اللعب وكثف الوسط وخلا ميسي يلعب بالجهه اليُمنى و نيمار باليُسرى عشان يفتحون الملعب بشكل عرضي أكثر ! #صحافه_تبن !
أنتهت مباراة الكلاسيكو بكل مافيها وصار الفارق +6 والمباراه الجايه يوم الخميس قدام أشبيليه ما تقل أهمية عن الكلاسيكو اذا ماكانت بعد أهم من ناحية تحديد مسار الدوري .. لأنه لو خسرنا وفاز برشلونه راح يكون الفارق + 9 وتونا ماوصلنا نص الدوري وممكن يزيد عن عن كذا !
نتائج الفريق قدام كبار الليغا في هذا الموسم سيئه قدام فياريال تعادلنا 2-2 و في ديربي مدريد قدام أتلتيكو مدريد خسرنا في ملعبنا وقدام برشلونه في الكلاسيكو خسرنا و أشبيليه مهمى كان مستواه ونتائجه الا انه واحد من الكبار وكان دائما يشكل لنا صعوبات
معكل اللي ذكرته بالأعلى الا ان الفريق كأسماء وكلاعبين وحماس وروح جيد جدا لكن الأنسجام بينالمدرب واللاعبين والتشكيل مفقود أو غير مكتمل حتى الأن ومع تقدممراحل الموسم راح نشوف منطقيه أكثر ومستوى أفضل لا ننسى أن أنشلوتي أنصدم بمستوى أيسكو الكارثي في أخر 4 مباريات ومستوى دي ماريا في الكلاسيكو , تخيلوا لو سجلت هجمات الكلاسيكو أو أحتسبت ضربة الجزاء وخرجنا بتعادل أو فوز كنا راح نمجده ونوصله للسماء !
وتخيلوا أن الماركا لم تسرب تشكيلة الفريق قبل الكلاسيكو ولعب تاتا كالعادهبثلاثي في الوسطوثلاثي في الهجوم ألم تكن ستنجح خطة وضع راموس بالمحور ؟ لا ندري !
الأكيد قلته من بداية الموسم أنشلوتي مو أنا أو أنتم نحكم عليه فهو عنده تاريخ كبير لكن يحتاج للوقت وهنا المشكله أنك ماتدري وش الوقت اللي يحتاجه سنه سنتين ؟ والريال مايصبر !
اللي يميز أنشلوتي عن أي مدرب في السنوات الماضيه هو شخصيته وأسلوبه مع اللاعبين الفريق بلا خلافات والوضعتحسن كثير في غرف الملابس عن ماكان عليهمع نهاية عهد مورينهو , اذا كانت غرف الملابس بأجواء صحيه وجيده راح ينعكس هذا على مستوى وأداء اللاعبين في الملعب
مباراة أشبيلية مهمه من الناحيه المعنويه فهي راح تعيد الفريق الى مضمار السباق على الليغا أو تخرجه معنويا و واقعيا !
أسف على الأطاله .. وعدم ترتيب الكلام كـ العاده 
بأذن الله يكون القادم أجمل ..
.
.
گلُ آلُۆقت آلُلُيَ فَيَ بعٍآدِگ أملُآنيَ فَرٍآغ ..
ۆگلُ آلُعٍيَۆن آلُلُيَ لُمحٍتہ غيَرٍ عٍيَنگ ضيَآعٍ ! |
