إقتباس الرسالة الأصلية كتبت بواسطة Madr!d السلام عليكم كيف حالكم ؟ أعذرونا على الإنقطاع بسبب ظروف والحمدلله الحين كلش تمام مبروك الفوز والحمدلله على الأقل كان فيه مستوى نوعاً ما أفضل من السابق ولولا الله ثم حارسهم كان طلعنا بـ فوز تاريخي على ملقا وطبعاً النتيجة هاذي أبداً ماهي عادلة لأن المفروض النتيجة أكبر بـ كثيير وبالنسبة لي ما توقعت ملقا يكون بالمستوى هذا لأن أمس ما كان فريق قوي وأفضل لاعب عندهم كان الحارس , أنا أشوف فيه تحسن في هاذي المباراة وبإذن الله الفريق يفجر أقوى ما لديه قدام اليوفي وبرشلونة wanted 707 صراحة في كلامك أشياء ما أقدر أتفهمها وأشياء ضدك وطبعاً أنا أحترم وجهة نظرك وبرد عليها حسب وجهة نظري أيضاً تركيزنا على الأبطال : أمر طبيعي جداً ومطالب الجمهور هو الأبطال حتى لو نخرج من الموسم بدون ما نفوز في بطولة محلية ! وطبعاً ريال مدريد لا يصب فقط تركيزه على الأبطال ولكن في إهتمام في الدوري يعني مثل موسم 2011 - 2012 كان بـ إمكاننا نلعب قدام برشلونة بالإحتياط وهي المباراة طبعاً حاسمة جداً من أجل أن يحسم ريال مدريد لقب الدوري ويلعب قدام البايرن بالأساسي. التفريط بـ أوزيل : أقدر أرد بـ سهولة على هاذي النقطة [ أوزيل هو من ترك ريال مدريد ! ريال مدريد لم يترك أوزيل ]. مورينهو جابوه عشان يركز على الأبطال : ريال مدريد جلب مورينهو كونه الأفضل في ذلك الوقت وكان يُريد النادي تحقيق هدف العاشرة معه وهذا صحيح ولكن أنه ما يركز على البطولات المحلية هذا غير صحيح لأن مورينهو جلب بطولتين محلية وهي الكأس والدوري وطبعاً أستثنيت من ذلك بطولة السوبر الإسباني. نفرح لـ خسارات برشلونة وأتلتيكو مدريد صار يفوز علينا : شوف خلني أقولك عن هذا الكلام صراحة ما قدرت أستوعبه لأن كيف ما أفرح لـ خسارة مُنافسي في الدوري وعدوي اللدود ! أتلتيكو مدريد لو ما فاز علينا في الكأس في الموسم الماضي وفي الدوري هالموسم راح يفوز علينا في المستقبل وريال مدريد ما راح يبقى يفوز عليه طوال الوقت وكرة القدم فوز وخسارة بالنهاية. فوزنا على إلتشي بالحكام : هل تقدر تقنعني أننا فوزنا على إلتشي هو الوحيد الذي لم يكن نزيه في الدوري بـ شكل عام ؟. جبنا 4 تشامبيونز في 105 سنة : صراحة كلامك ما فهمته جيداً ولكن برد عليك باللي فهمته , التشامبيونز ليق أصعب بطولة في العالم والفوز بها يتطلب أمور كثيرة وما تقدر تفوز , برشلونة أحتاج لـ 114 سنة لـ يجلب 4 بطولات أوروبية ! يعني أحنا إحتجنا أقل منهم بالسنوات عشان نجيب 4 تشامبيونز وهو الرقم اللي يعادل إنجازاتهم في الأبطال ! إذا بـ نقيس على النجاح خلال السنوات , بايرن ميونخ أحتاج لـ 113 سنة عشان يجيب 5 بطولات أوروبية ! عشان أختصر لك بالموضوع في حال ما فهمت مقصدي أن مستوى النجاح في التشامبيونز لا تقيسه في السنوات يعني شف هالفريقين اللي ذكرتهم له صوت كبير في أوروبا وأحتاجوا لـ سنوات طويلة مثلنا عشان يجيبون بطولة التشامبيونز , ريال مدريد أستطاع أن يُحقق خلال 111 سنة 9 بطولات أوروبية ولكن مع كل هاذي السنوات هل أحكم على ريال مدريد بالفشل أوروبياً !. ما عندنا إلا التاريخ : شف خلني أقولك شي ريال مدريد عنده ماضي وعنده حاضر وعنده مُستقبل. لكم جميعاً

مدريد ي قلبي انا كتبت في اخر كلامي اني اتكلم من حرقه .. وفي اشياء كثيره مافهمتني فيها ... لمن اقصد 100 سنه وجبنا 4 ابطال يعني ليه مستعجلين ومضيعين الدوري عادي 4 ابطال جبناهم في 100 سنه هذا الى اقصده اني ابغى النادي يلعب على جميع البطولات وبرضو قلت يركزو لكن مو من المجموعات كمان .. وموسم بلقريني برضو اتذكر المباراة الى قبل الابطال اغلبها يتعثر بالدوري والسبب مريح اللاعبين عشان الابطال وبالاخير راح الدوري وليون يخرجك .. انا ماني ضد التركيز على الابطال لكن السؤال ليه التفرط بالدوري موسم مورينهو العام اكبر دليل حرام برشلونه ياخذ الدوري وبالنسبه اني افرح من خسارة الغريم على عيني وراسي بس مو زي لمن اكون الاول وبفارق نقاطي افضل من اني اكون الثالث وانتظر هزيمة اي واحد منهم .. اما بالنسبه للتاريخ في الكل عارف تاريخ الريال هذا مانتكلم فيه والحاضر الريال ماهو الافضل فيه البايرن وتقدر تقول شوية البرسا .. اما المستقبل الله وحده العالم لا انا ولا انت ي صاحبي نعرف ... (وبالاخير انا اتكلم وباختصار انو الابطال جات 4 منها في 100 سنه يعني عادي ركز على الدوري والكاس وركز اكثر بالابطال بعد المجموعات والعاشره جايه جايه بأذن الله لكن مانخسر الاثنين ) شكرآ لك اخوي مدريد وهذا شرح يوضح ايش كنت اقصد بكلامي انا ماني ضد الابطال ابدآ ومافي اي احد عاقل يقول انو فريق زي الريال يركز على الدوري وبس !

لك