كلاس الجغرافيا .. لا تحضير ولا شي .. والى زي حالتي زوجته عندها كلاس قبل الجغرافيا وكلاس نفس وقت الجغرافيا يعني اجلس بالكلاس احسن من الجلسه قدام الباب .. ودام الدنيا فالته عادي تجيب لابتوبك وتدخل على رابطة الريال
المهم ندخل بالموضوع .. الريال ومادراك ما الريال .. الاعلام مشاكل النادي ( من ناحية العقم الهجومي والسحلب الدفاعي ) اما مشاكل الدوري اعتقد مسالت وقت ونقطة التحول او القرار الشبه ماكد حيكون يوم الكلاسيكو .. اما الابطال حتى لو خسرت من اليوفي التأهل بأذن الله مضمون لكن مشكلة بعد المجموعات .. على حسب الاخبار الاخيره بيل والونسو جاهزين .. واتمنى نلعب بنفس تشكيلتنا بدونهم وفي مبارة ملقا نحسم الوضع من الشوط الاولى وواخر ربع ساعه يلعبو بيل والونسو وفي مباراة اليوفي نفس الحكاية لكن التبديل يكون في الدقيقه 60 مهما كانت نتيجة المباراة لانو خساره من اليوفي يعني لسى الريال الاول فرق نقطه ! وبرضو احمال ماتخسر لكن الفائده هي تجهيز الونسو وبيل للكلاسيكو ... وفي شي مهم الى هو انو مايخاطرو في بيل والونسو مع انو الاخبار تقول جاهزين 100% وهذا شي حلو .. وزي ماقلت اليوفي ماهي مبارة خروج مغلوب لكن الكلاسيكو هوا المهم تاريخ وشرف للريال وبرضو تقليص الفارق ومبارة البرشا واتلتيكو راح تقرر هل الريال الثاني والبرسا الثالث او الفرق بين الريال الثالث والبرسا واتلتيكو نقطتين فقط ! بشرط الريال مايخسر اي جوله يكفي عدا فياريال بتعادل وخسارة من الجار وفوز بأذن الله في الكلاسيكو يعني باقي الاندية لا تذكر امام الريال .. في الاخير في تشكيله للمبارة الجايه وحاس في وجود بن زيما هذي افضل تشكيله عشان يظهر ونحسن الهجوم ( طبعآ لانو انشي مو راضي يخليه احتياط )
لوبيز
مارسيلو - راموس - فاران - اربيلوا
مودريتش
ايسكو
كرستيانو ---------------- دي ماريا
بن زيما - موراتا
طبعآ الونسو وبيل وكارفخال غايبين
وسلامتكم واسف على الاطاله بس الكلاس ممل ولسى باقي وقت وهرجي خلص
