وجهة نظرك ولابد ان احترمها وان كنت اخالفك في كل ماقلت لاارى سامي اخطأ بمباراة الرائد ولعلي هنا افند لك الاسباب :

اولا / كنت ارى المباراة مع اثنين من زملائي الهلاليين وبداية المباراة حينما رأيت الى تغيير التشكيلة فرحت صراحة لان الهلال دائما مايعاني من الفرق الي تدافع بكل لاعبيها فكان حل من الحلول ان تكثف منطقة الهجوم وتخلص عليهم من البداية وبعدها تقدر ترجع لنفس خطتك السابقة بعد ماتسجل على الاقل هدفين نجح الهلال وسجل مبكرا ولكن الدفاع والمحاور واخص بالذكر كاستيلو خذلوا الكوتش سامي كما خذلوا زملائهم اللاعبين والجماهير بولوج هدفين في مرماهم في اقل من شوط وبشكل سريع جدا .

ثانيا / بالنسبة للعبه بالشلهوب على اليمين بديل سالم ياعزيزي سامي مجبور فاانت تقول كان الافضل ان يلعب سامي بالفرج او عبدالعزيز مكان سالم المصاب الفرج يلعب في الجهة اليسرى ولايجيد الجهة اليمنى وعزوز مكانه مكان نيفيز بالعمق كصانع لعب فسامي انجبر ان يلعب بالشلهوب بالجهة اليمنى اي نعم ليست جهته المفضلة ولكن لديه من الخبرة ان يشغل الخانة لو لمباراة فهو صدقني كان افضل الحلول البديلة علما بان الفرج يلعب يسار وصغير بالسن وقليل خبرة وعزوز يلعب بالعمق وصغير بالسن وقليل خبرة فصعبه تكلفهم بمراكز غير مراكزهم فسامي هنا كان مكرها اخاك لابطل بالعربي (مجبوور ) .

ثالثا / بالنسبة لوضعه لنواف بالدكة كلنا رأينا نواف من اول جولة وهو ماهو نواف الي نعرفه ولاهو نواف الموسم الي فات ولاهو على الاقل نواف الي شفناه بالوديات فهو في مباراة الاتحاد كان صفر على الشمال والدليل بدله سامي بالشوط الثاني وبمباراة الاهلي كان صفر على الشمال بااستثناء لقطة وبمباراة الاتفاق كذلك فسامي وضع نيفيز يسار مكان العابد لعل وعسى ان ينصلح حال العابد ويعلم ان الخانة ليست حكرا على احد اما ان تقدم افضل ماعندك وتلعب بروح وتركيز وانضباط والا هذي الدكة وتفضل .

ملاحظة بسيطة / في مباراة الرائد انتهت المباراة الاستحواذ الهلالي 75% و20 تسديدة للهلال على مرمى الرائد ويمكن 7 او 8 فرص محققة كان للقائم نصيب اثنين منها وللعارضة كذلك وللكسار النصيب الاخر فلو سجل هدفين على الاقل من ال8 فرص كان الكل اشاد بسامي وكيف قدر يغير الخطة ويفوز .

خلاصة كلامي او (الزبدة) : مباراة الهلال والرائد لو يلعبها الهلال بمهاجم واحد ولا بمهاجمين ولا بثلاثة ولا من دون مهاجمين مااتوقع كان بيفوز المباراة مكتوبة للرائد المهاجمين ولاعبين الوسط ماقصروا سووا كل شي ولكنها كانت مكتوبة لهم

وشكرا لك وبالنهاية السلام خير الختام