هدو اللعب يا شباب .. مالها داعي الكلام اللي ماله داعي ..
..

يورنتي او لورنتي .. اول مباراه رسميه و هدف اول له ..
هدف يعطيه دافع معنوي يقدم الافضل .. ليشتاينر , و اوساموه و بالاضافه الا ايسلا .. لعيبه ككويسين بس ما يعرفون يلعبون عرضيات زي الناس .. المباراه كلها عرضيات اي كلام و بالصندوق موجود الاسباني و ما استغلوه صح .. اتمنى استغلال العرضيات بالشكل الصحيح ..
بخصوص بيرلو و انه زعلان يقولون بسبب انه مالعب زين و بسبب المراقبه اللصيقه للاعب اللي ماخلته يتنفس بالملعب ..
بيرلو باخر مباراه 28 تمريره فقط .. اذا احد يتآكد لي لأن اظن ان الرقم قريب من ذلك .. و هذا شيء غريب من اللاعب بيرلو و حتى باسواء مستوياته محد يتوقع هالشيء من بيرلو ..! ( اليوفي بيرلو فقط .. و بيرلو هو اليوفي )
عودة ماركيزيو بتعطي حلول اكثر حاليًا و مع نزول مستوى بيرلو اتوقع ان بيرلو راح يستبدل بكل مباراه اذا استمر على مستواه ..
و راح يكون الاعتماد على بوجبا في مكان بيرلو .. و لا ننسى ان كونتي مصرح ان بوجبا موجود مافيه خوف على مكان بيرلو بالمستقبل ..
اعجبني قرار كونتي ب تغريم و ايقاف اللاعب المبزوط شهر كامل .. قرار يعني الكثير للاعبين الشباب و قرار يعني ان الفريق اكبر من اي لاعب .. برافو كونتي ..
..
.
..
بالوتيلي اذكر اول ما انضم ل ميلان اغلب الجمهور الميلانيه قالوا ان اللاعب يبي ينضبط مع اليغري و البيئه الميلانيه تفرض على اللاعب اللي يلعب ب ميلان انه يكون لاعب عاقل و محترم و مؤدب و كيوت و مره نايس ..
المهم بالوتيلي الى الان مدري وش وضعه .. مدري مراهق ولا بزوطه و لا فيه نقص بمخه .. مدري عنه بس لازم انه ينضبط ..
و انا اكثر حزنا من جمهور الميلان بسبب ايقاف بالوتيلي لاني ودي يلعب .. ثاني ايقاف له مع ميلان , و 8 بطاقات صفرا خلال 20 مباراه ( على ما اظن )
و بعض الجمهور يقول ان الاتحاد الايطالي يجامل اليوفي بإيقاف بالوتيلي .. على اساس ان ميلان ينافس اليوفي على الصداره حاليًا
..
..
..
اتمنى ان روما يستمر على هالموال .. و اتمنى يوصل ل مراكز متقدمه و مانشوفه اخر الموسم يعتذر اصلاً الحكام ظلمونا بكم نقطه ..
..
نابولي فريق يخوف .. بينتيز ماش مدرب .. لكن يضم عناصر ممتازه جداً الا بالدفاع المضروب .. و نابولي حتى الان ما اشوف انه اختبر صح .. مباراة ميلان , ميلان كان افضل .. مباراتهم مع بروسيا اتوقع لو كان الفريق الالماني كامل الشوط الثاني راح يكون فيه كلام ثاني .. ننتظر الجولات الجايه نشوف وضع الانديه اللي جالسه تستقوي على فرق اي كلام
..
..
انتر ماتزاري .. اتمنى له المنافسه على الهبوط ..
..