للتاريخ يالأوبي

مبروك الفوز مع الكثير من العك ورفعة الضغط ، الفريق لحد الان يلعب بعشوائية وبدون هوية واضحة ، لو تعيد المباراة مليون مرة وتحاول تطلع جملة تكتيكية وحدة مابتحصل ، هجمة وحدة فيها طقطقة وباص سليم برضو مابتحصل ، اللهم الفريق ماسك كورة على غير سنع ، حتى لو بتحسب كم كورنر لنا بتنهبل من كمية الضغط اللي مسوينه بس الحاصل ؟ 0 .. الكورنر اول تنسدح وانت ضامن الهدف .. الحين مافيه الا تطيير بالسما ولا تدري هم يلعبونها بخطة وتكتيك معين بين اللعيبة ولا ارفع وانت وحظك .. هازارد بعيد تمام البعد عن مستواه ، المفروض نشوف المو يتعامل معاه مثل م يتعامل مع ماتا الحين .. اوسكار واضح انه داخل مزاج مورينهو وانه ثابت بالتشكيلة ، بيكرفه كرف لين يجي نص الموسم او قبله ويصاب ولا يخلص ونشوف اللياقة عنده صفر ، المداورة بينه وبين ماتا مطلب اذا بتحافظ على مستوياتهم لأخر الموسم وتستفيد منهم اقصى درجة ممكنة .. شورليه محتاج مباريات اكثر عشان يدخل مع المجموعة ، اشوفه عالطرف اليسار اخطر من اليمين ، مثلاً يمديك تلعب بشورليه يسار وويليان يمين او دي بورين واسكار وماتا صناع لعب ، ولحط هز هز لين يتعدل مستواه لأن كذا الوضع ماينفع ، تسحيب رجول وخذلان بأرض الملعب مانبيه ، الفريق يملك سكواد عالدكة تنافس الاساسي ، اتمنى المو م يجامل على حساب اسم لاعب ويعطي كل لاعب حقه وفرصته .. واولاً واخيراً يثبت على تشكيلة وحدة عشان نقدر نشوف انسجام فالمجموعة .. الفريق داخل على مباريات صعبة ومتتالية ومحتاجين نرفع نسق اللعب شوي ..