صباح الخير

شي غريب امس تصحى من النوم فرحان بي بيل وقبل تنام تحزن على اوزيل لكن نتكلم بمنطق ( كثرت الكلمه من البارح ) لكن نتكلم عن بيريز والمدرب وانتقال اوزيل وعدم قدوم مهاجم !! اول شي اوزيل هوا الى طلب الرحيل وهذا شي لازم تفكرو فيه وانشلوتي ماحد يدري هل حاول اقناعه او لا لكن انشلوتي هوا الى يتحمل لو خسر الريال يعني مافي امل اجامل احد والمدرب له خطته والخطه ماتناسب اوزيل ! يعني احاول اقنعه على ايه وانا في خطتي ماياسبني !! وبعدين اوزيل برضو يجلس ليه اذا ماله مكان بالتشكيله وهوا برضو مايحب يلعب جناح ولياقين مايقدر واحتياط مايبغى !! فاكيد من كل الاطراف متراضين واكبر دليل انو رسل رساله تودعه يعني انو حاب الريال لكن ماله مكان وكل واحد احترم الثاني وهذا شي مررررره حلو انو خرج لكن راضين وراضي عنى ... وبعدين بيريز ايقدر يتدخل في كل وهذا اكثر شي ركزو فيه .. لانو جاب مدرب ودافع ملايين فيه ولو خسر الريال راح يتحمل المدرب ويطير زي غيرو فـ عشان كذا بيريز مايتدخل وصراحه كلام البعض انو بيريز لازم يتدخل ومادري ايش يحسسني بي الى توه متزوج وامه تتدخل في كل شي واسالوني دامني متزوج جديد خلاص لازم هو يتحمل المسؤليه حتى لو القرارات ماهي عاجبتك .. ونهاية الكلام عن اوزيل .. ترا المدرب لعب بطريقته وكلنا نعرف انو اوزيل مايبغى احتياط ولا ينفع بالتشكيله .. وصدقوني اذا مانجح المدرب ساعتها نلومه وبرضو اوزيل مايبغى يجلس سنه عشان يشوف ينفع او ماينفع زي كلام البعض لانو كأس العالم السنه الجايه يعني مافي وقت ولا في امل يجلس .. احنا مدريديه وكلنا نتفق على اخلاق اوزيل وعلى مستوى ومتفقن على حبه ... بالنسبه انو نهاية الانتقالات اجيب مهاجم وربي ماكأنك يابو زيد غزيت لانو مهاجم يجي في ضل وجود بن زيما ام الغلط لكن تجيب مهاجم وتطير بن زيما افضل ذا الشي وموراتا وخيسي مايعتبرو احتياط الى الان لكن اذا لعبو السنه هذي راح يكون لهم دور كبير واعتماد في السنه القادمه او ممكن يفاجؤنا ويسون شي ويطلعو زي طلعت فاران .. مابغى اقول تكدس لكن الان الوضع تمام مبدئين لانو كل لاعب له بديل في الخانه وانا اشوف الصيف الجاي مهاجم مكان بن زيما خطيرا برا واحتمال الونسو يمشي اذا مابدع لانو هذا كلامه اذا مابدع ماراح يجدد ! ونشوف برضو وضع كارفخال وناتشو بالدفاع + خيسي وموراتا وبس هذا الى نحتاجو مهاجم فتاك + محور + قلب دفاع ... وبرضو احتمال ناتشو يبدع في القلب ووضعنا كويس مع بقى كوينتراو ... باختصار كذا تقدر تقيم الفريق والمراكز الى تحتاجها وبالكثير الصيف الجاي نسوي تنظيف زي هذي السنه لكن ان اشاء الله بدون صفقه زي صفقة اوزيل .. بالنهاية اسف لو غلط على احد ترا اليومين الى فاتو الكل اعصابو مفلوته سامحوني وكل واحد يعتذر