إقتباس الرسالة الأصلية كتبت بواسطة يسووووووف مادري والله وش ارد عليك فيه ؟؟؟؟؟ عقليات مريضة ؟ احترم الاعضاء !! \ لكن أي رونالدو جالس حب بالفريق عرض عليه باريس سان جيرمان راتب 20 مليون بالسنة عرض عليه من موناكو وعرض عليه من السيتي رواتب تفوق مرتبة مع الريال ونفس الشي مع بيل الي فضل الريال على العروض الاخرى

يعني الحين كلمة عبد المال اللي انقالت للمسلم اوزيل عادي ...وهو مايعبد غير الله..

لكن لما ارد بعقليات مريضة صرت مخطئ !!!

المرض اللي اقصده هو المرض اللي يخليه يقذف اخوه المسلم عشانه طلع من النادي وقبل كم يوم كان اسطورة واظن اي واحد منطقي يمكن يشوف كلامي صح ..

هذا اول شي ثاني شي اكيد رونالدو يهمه الريال لكن لو الريال مايملك هالمال كان شفته جاي عندنا ??

والريال ماقصر مع الدون اغلى صفقة ومن اغلى الرواتب بالعالم ومن حقه يطالب باكثر واكثر لانه لاعب محترف وهذا مصدر حياته وماراح اقول انه عبد للمال حتى لو ساوم الريال باي يوم ...

ونفس الكلام اقوله لك مع بيل ثاني اغلى صفقة بالتاريخ ويستلم راتب عالي ومن حقه اكيد انه فضل الريال عن غيره ...

وليش ماتذكرت اوزيل اللي رفض التجديد مع ناديه الالماني مع انهم طلبو منه انه يجدد وراح يبيعونه لاي نادي يبغاه بس عشان يكسبون ورفض وفضل عرض الريال وقتها ولا كلف خزينة النادي ربع مبلغ بيل .. ووفر على بيريز ملايين كان بيدفعها لناديه لو جدد لهم !!

ليش نسينا يوم اوزيل فضل عروض كثيره علينا وجانا بمبلغ مايستاهله وقتها لكن عشانه الريال !!

هذا غير مشكلة الراتب تخيل انك مكان اوزيل وتشوف الاعب اللي احتياطي لنفس مركزك يستلم ضعف ماتستلمه ( كاكا ) وفوق هذا صبرر فترة طويله ..

اوزيل ماكلف خزينة النادي شيء وبالعكس مدريد استفاد منه بالبيع عكس كاكا اللي كلف مدريد مبالغ هائله + راتب عالي وطلع ببلاش وفوق هذا كله يجي واحد يسب اوزيل معليش خلوكم منطقين وفكرو فيها بعقلانية راح تشوفون ان مالها دخل كيف تقولون اوزيل استسلم ل ايسكو واصلا انشلوتي يلعبه بمركز غير مركزه جناح !!!!


مشكلة جمهور الريال عاطفي ولايفكر العلة بالخروج من انشلوتي اللي مو راضي يغير التشكيلة حقته اللي ما تناسب اوزيل اصلا وفوق هذا كله يجيك عرض براتب احسن ومضمون انك تكون اساسي خصوصا انك تبي تلعب بكاس العالم الجاي !

بالنسبة لي خروج اوزيل يتحمله انشلوتي اولاً وبيريز ثانياً لانه ماصبر وشاف هل انشلوتي راح ينجح او لا .. اما اوزيل فما الومه ابد وما اقول غير الله يوفقه وين ماراح لانه مسلم ...