نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة عشاق ملوك اوروبا Real Madrid 2013-2014 ||

هادئ الطباع · #303 02/09/2013, 06:06 AM

إقتباس

الرسالة الأصلية كتبت بواسطة عـــ الزعيم ـــاشق


	ما قدرت أفرح بقدوم بيل بسبب اقتراب أوزيل من أرسنال ! حاولت أحسبها من جميع الجهات وأطلع ريال مدريد ربحان في الصفقة ماقدرت ! من الناحية الفنية خروج أوزيل يعني أن إيسكو لن يكون له بديل في الفترة الحالية فمودريتش يلعب في مركز ألونسو .. من الناحية المالية ونظراً للسوق 50 مليون قليلة جداً لأن اللاعب من ناحية الأرقام كصناعة وتسجيل أفضل من إنييستا ولو إني من سنتين كنت أقول إن مايرضيني أي لاعب في حال خروج أوزيل إلا إنييستا .. السوق انباع فيه بيل بـ 91 مليون انباع فيه هيجواين بـ 40 مليون انباع فيه كافاني بـ 60 مليون فالكاو بـ 55 مليون واحنا نتكلم عن أوزيل واحد من أفضل صانعي الأهداف في العالم بـ 50 مليون ؟ بعنا ألبويول وكاليخون وهيجواين على نابولي بـ 61 مليون واشترينا بيل بـ 91 مليون إياراميندي 32 مليون إيسكو 28 مليون وكارفاخال 10 مليون يعني مجموع الي صرفناه 151 مليون يورو ننقص منها الـ 61 مليون يورو حقت بيع ثلاثي نابولي يطلع مدريد صرف 90 مليون يورو .. مع بيع أوزيل بـ 50 مليون ريال مدريد صرف 40 مليون يورو فقط في الإنتقالات معقولة يابيريز لك سنتين مقتصد الخزينة ودخلت أرباح تاريخية للنادي وآخر شئ صرفت 40 مليون يورو فقط في السوق ! خروج أوزيل من مصلحة أنشيلوتي لأنه راح يفك المدرب من التكدس الحاصل في خط الوسط وراح تكون عندنا تشكيلة أساسية نارية لكن هل قدوم بيل كان شئ مجبرين عليه ؟ معقولة نضحي بأوزيل معشوق الجماهير عشان لاعب مركزه مشغول بالأساس ومانحتاجه حاجة كبيرة مثل حاجتنا للاعب مثل كافاني وفالكاو وسواريز وأقويرو ! غلطة كبيرة ونقطة سوداء في عهدك الجديد .. لاعب يعشق مدريد .. وجمهور مدريد يعشقه .. لعبه يطرب .. أكثر لاعب متفاهم مع رونالدو ويفهم تحركاته كلها.. أفضل لاعب يبني مرتدات للفريق .. أفضل لاعب يجد الحلول الهجومية بعد رونالدو .. قبل سنتين كان أفضل صانع ألعاب في العالم .. عمره 23 .. قبل سنة صرح بأن حلمه الاعتزال في مدريد .. كل شئ يقول حرام أوزيل يكون خارج مدريد إلا إدارة الريال ! ما تعلمت من غلطتك في بيع روبين ؟ بيع شنايدر ؟ نجيب لاعبين نربيهم ونبيعهم لأندية ثانية وهم في قمة مستوياتهم وبعد تصريحهم بأنهم يعشقون الريال ويتمنون البقاء فيه وبفضل هاللاعبين بعد الله هالأندية تجيب دوري الأبطال ؟ ما أقول إلا يا فرحة ما تمت أوزيل خارج الأسوار وبينزيما باقي .. ويقولون للجماهير نوعدكم بالأبطال ! وين نفوز بالأبطال ومهاجمنا بينزيما فهموني بس ! سامحوني على الإطالة بس من قهري على خروجه وليت ماتعاقدنا مع بيل ولا إني أشوف أوزيل بقميص فريق غير مدريد ! تحيتي .،،.

قتلتني يارجل

والله ابي اكتب بس مدري وش ابدا به ؟؟

سيل من الكلمات بسبب الحسره وخنقة العبره افقدتني التركيز وماني عارف وش ابدا اقول وش ابدا اكتب !!؟؟

والله اكثر واحد بيحزن على خروج اوزيل بالتاكيد كريس ياناس ساعد كريس بزيادة معدله التهديفي بشكل مو طبيعي ،، الدون لولا اوزيل ماراح يتعدى معدله التهديفي في الموسم اكثر من 25 هدف .. فكيف بلاعب جناح مو مهاجم صريح ياصل معدله التهديفي اكثر من 40 هدف بالموسم !!؟؟ بالتاكيد لان خلفه واحد يدعى مسعود
لا انسى تمريرته للدون امام برشلونه عندما اسكتهم الدون (انا موجود) اوزيل ياناس غير والله غير هذا يكفي ان فيه من ريحة طيب الذكر قوتي قريب من تمريراته .. احد يكمل عني تكفون .. ضاقت بي الدنيا بما رحبت