| مبروووك الفوز ولــو انه لـــم يكن مقنع واداء سيء صراحه خاصه من الدفاع تحس انه هش سهل الاختراق .... الله يستر امام الجار وتشلسي والفرق القويه واذا استمر الفريق على هذا الاداء شكلنا بنَافس على المركز الرابع في الدوري
نيجريدو : يثبت انه لاعب ممتاز ويستاهل اللعب اساسي ما شاء الله قوه بدنيه ومميز في الكرات الهوائيه
دزيكو : لاعب ممتاز لاكن يعيبه الحركه خارج الصندوق
اجويرو : لاعب ممتاز يحتاج وقت لكي يرجع للفورمه فقط ويبتعد عن الانانيه شوي
نافاس : لاعب لياقته البدنيه جميله .. واعتقد انه راح يثبت نفسه اكثر امام الفرق غير المتكتله دفاعيا
سيلفا : لاعب فنان وممكن يحسم لك المباراه بتمريره وحده
نصري : ما شفنا منه شيئ غير انه تسبب في الفاول
يايا توريه : تحسن كبير في الضربات الثابته وهذا راح يشكل فارق في المباريات المهمه .. انا اشوف انه اكثر مرعب في المحور الهجومي والكل يتذكر شو كان يسوي في هالمكان قبل سنتين .. اتمنى بيلي يلاعب فيرنا محور دفاعي او باري
فيرنا : لاعب لم يتأقلم بعد مع الفريق
كولاروف : اداءه تطور دفاعيا واحلى شيء يوم شل الكوره بشكل جميل آخر الدقايق
ناستا : جميل هاللاعب ويمتلك ثقه بنفسه رغم صغر سنه ... راح يشكل ثنائي قوي مع كومباني
ليسكوت : هاللاعب ياما قلنا عنه انه ما ينفع للسيتي .. عليه هفوات قاتله
زاباليتا : سلامي على فدائية هذا اللاعب
بوفيتيش : وين هذا اللاعب ؟!! عندي احساس انه راح يقدم اضافه للفريق
الفريق اليوم بشكل عام اداءه سيء الا انه فاز وهذي من مواصفات الفرق الكبيره .. والحين فترة توقف اتمنى بيلي يطور من مستوى الفريق .... واتمنى ترقيع الدفاع بـــ ديميكلس لين عودة كومباني ( ليسكوت وجارسيا ماينفعون للدفاع ابد )
اخر تعديل كان بواسطة » عشق عيناوي في يوم » 31/08/2013 عند الساعة » 09:25 PM | 