22/08/2013, 09:18 PM
|
 | زعيــم فعــال | | تاريخ التسجيل: 21/12/2010 المكان: الرياض
مشاركات: 242
| |
|
ياقو قلبك
السلام عليكم ورحمة الله وبركاته
أسعد الله أوقاتكم بكل خير
اقدم لكم تصميم بسيط مني 
وهذه هي القصيد للشاعر محمد جار الله السهلي
أسبوع مر ولا وصل منك مرسال
ياقو قلبك كيف تقطعني أسبوع
الجوع كافر!وانت ماترحم الحال
وانا عليك من الوله ميت جوع
يالي غيابك صعب يطري على البال
تركتني ضايق وحاير ومفجوع
ماكني الا شايب فاقد عيال
وماكنك الا محرم حق مشروع
يفوع لك قلبي ليا مر الأطلال
ياليت مالي قلب يشتاق ويفوع
حسبي عليك شلون قطعت الأمال
باااااموت لاصار الأمل فيك مقطوع
ياصاحبي ماكل نزال رحال
انت الحيا من وين مارحت متبوع
نسياني لزول بالاعماق يختال
اصعب على صاحبك من حبة الكوع
لو الثمن في شوفتك عمر رجال
كان الثمن من يوم ماغبت مدفوع
ولو القدر ماتم قوله ليا قال
ماضاق صدر ولاانحنى راس مرفوع
ياصاحبي عشقتني فعل وخصال
وانا عشقتك شعر واحساس وطبوع
وشلون تتركني كذا لااشهب الــلال
وقدام عيني تجف ينبوع ينبوع
وانا عشانك جيت والغيم همال
اسيل الوديان واداحم جموع
ماردني عنك سواليف عذال
تزعل علي ربوع وتقدر ربوع
كان المهم اعيشك جنون ووصال
ويكون لي كلمه ولي راي مسموع
واليوم ضاقت بي من الجال للجال
فرقاك تقصم ظهر وتحز وتلوع
لوجيت شفت الحال ماسرك الحال
في غيبتك ضايق وحاير ومفجوع
هذا غياب اسبوع وشلون لو طال
طالبك لايطول غيابك عن اسبوع
أداء ناصر الرزيني
https://www.youtube.com/watch?v=nkAr...Mc41HUZsIaYPxQ  |
