والله يا شباب احس ان قدوم بايل بيزيد الطين بله ،، ادري انه جامد وبطل بس اسلوب لعبه ابداااا ماراح يمشي مع انشيلوتي. اللي واضح من لعب انشيلوتي انه يبي يستحوذ على وسط الملعب ،، اذا تبي تستحوذ فا انت يبيلك لاعب مهاري + يعرف يفتح لعب ويساند ،، بايل اللي يمتاز فيه هو سرعته + قوة التسديد ،، فا ايش ابستفيد من سرعته اذا انا ابي امسك الوسط ،، بايل من وجهة نظري لاعب ينفع اذا تبي تلعب على المراتدات ،، او اذا خصمك يفتح ملعبه ،، يعني تخيلو معي ،، لو امس موجود (ضد بيتيس) هل تتوقعون انه بيصنع الفارق ؟؟ انا ما اقول انه ماراح يقدم اي شي للريال ،، بس القصد ان فيه غيره راح يقدم افضل منه ((((طبعا هذي وجهة نظر)))))


انا شخصيا اتوقع نتيجة البرسا هي اللي اثرت على مستوى الفريق ،، الفريق داخل بحماس وانصقع بهدف انواع التحطيم ،، انا عارف ان الكل خاب ظنه من مباراة امس والكل كان متوقع اداء ونتيجه اكبر وانا اولكم ،، بس للامانه الفريق امس كان له حسنه وحده ،، حسنه ماشفناها المواسم الماضيه ،، واللي هي يلعب بالمساحات الضيقه ،، واكبر مثال هدف بنزيما ،، جا بعد عدة تمريرات (لمسه وحده) وطلعنا بهدف ،، وما ننسا ان بيتيس طبق تكتيك مصيدة التسلل ،، صحيح عندنا دبشه (بنزيما) بس والله دفاعهم ماشالله خط واحد وفيه تفاهم على عكس دفاعنا الداج



انا متفائل بالموسم ،، باقي عندنا الونسو - ايلارمندي ،، عودتهم راح تفرق كثير في خط الوسط مع مودريتش ،، وعودة فاران باذن الله راح تحسن الدفاع المضروب



نقطه اخيره:

-انشيلوتي لازم يرجع اوزيل لمركزه المعروف ،، ايسكو على الاطراف ممتاز ،، اوزيل خطورته تجي من عمق الملعب

-كارفخال لازم يتحسن دفاعيا ،، شغل الدفدفه والفهاوه مايمشي ،، سلكة معك مره ماراح تسلك ثانيه


بالتوفيق للريال