|
سَلمان الفرج , ماذا حلّ بك ؟
السلام عليكم ..
بدخل الموضوع مباشره اللاعب الشاب سلمان الفرج
كلنا نذكره موسم 2010-2011 و 2011-2012
قدّم فيها موسمين رائعين جداً وكان اغلب الجمهور الهلالي يعوّل عليه
كان لاعب تحطه بأي مركز ماشاء الله يبدع فيه !
في الموسم الماضي كُل الجماهير الهلاليه حرصت على تجديد الاداره لعقد اللاعب
وجدد الفرج عقده مع الهلال بمبلغ وقدره ..
سلمان من بعد ماجدد ومستواه من اسوأ لاسوأ .. والسبب ؟ !!! الله اعلم
بالمباريات الاخيره بالموسم الماضي او تقريباً من بعد مباراة الأهلي ( الدور الاول )
وانا ملاحظ على اللاعب انه صار عاله على الفريق بعد ماكان له اضافه كبيره !
ولاحظت عليه الكسل احيانا بالملعب وتمطيط رجوله !!
قلت ماعليه يمكن إرهاق ومع بداية الموسم الجديد بيتحسن مستواه
لكن وللأسف بعد ماشاهدت اهداف مباراة الهلال مع فولفسبورغ الألماني
أهداف مباراة الهلال 2 - 2 فولفسبورغ الالماني - مباراة ودية 2013 - YouTube
تفاجئت ان الهدفين اللي جائت كلها من جهة الفرج ! , وكأنه يلعب من دون نفس !
وبعد ماشفت الاهداف قلت الحمدلله ان الإداره تعاقدت مع محورين اجانب مع اني كنت معارض لهالشي !
( كلمه أوجهها لسلمان الفرج )
انت ياسلمان في نعمه , نعم في نعمه لأنك في فرصه لتثبت نفسك في نادي عظيم وكبير مثل الهلال
نعمه يتمناها الكثير من اللاعبين السعوديين .. وصدقني ماراح تطول في الهلال اذا ما تداركت نفسك وعدت لمستواك!
والكلمه اللي فوق ليست لسلمان فقط بل لكل لاعب شاب .. نواف .. عزوز .. سالم .. القرني .. الخ
وصدقني ياسلمان اذا ماتداركت وضعك بسرعه بتنتهي كلاعب لأن اي لاعب يطلع من الهلال (نادر) ينجح!
وبالنهايه اتمنى من كل قلبي يرجع سلمان لمستواه لفائدة الهلال أولاً ولفائدته هو كشخص
عذراً على الإطاله 
اخر تعديل كان بواسطة » محمد الهلالي00 في يوم » 17/07/2013 عند الساعة » 08:25 AM | 