تبي تعرف الفرق يا الغالي


ان الاول بايع الهلال والثاني شاري للهلال

وما اظن تبي يسااووون بين شخصين واحد بايع وثاني شاري

الي يبينا يستاهل عيوننا

والي يبي غيرنا وش نبي به

تذكر نواف لما طالب بمقدم عقد ما كان منطقي عند الادارة الهلالية

ما غضبت الادارة انما قالت هذا الي نقدر عليه واذا حدثاني يبي يدفع من اعضاء الشرف جزاه الله خير واليوم الثاني حصل نواف على كل الي يبيه


اما الدوخي شوف ردة سمو الامير محمد بن فيصل عشان تعرف ان الدوخي ما كان بالمنظر البريء الي حاول يصوره لنا


من بداية الموسم ورائحة مفاوضات الدوخي مع البلوي فايحة

وفي النهاية الامور كانت محسومة بالكامل



عموما الحين اشد على يد الامير بعد ما تفكر في الموضوع بعقلانية

تلاقي الدوخي يلعب ونفسه شينة واغلب المباريات ما له نفس يلعب خير شر

هذا غير انه مال للعنف هالموسم وكان معرض للطرد اكثر من مرة

وبصراحة بديت افكر في الكورنر الي صار في مباراة الاتحاد وكيف الدوخي تمهل حتى صفر الحكم

قبل كنت ابرر للدوخي بس الحين الواحد صار يشك في كل شي


وللاسف اكتشفنا خائن بيننا




والملاحظ ان اغلب لعيبة الحواري كذا

اما اللعيبة الي تشربوا حب الهلال فتشوفهم مع الهلال في الحلوة والمرة


الجمعان يتسبب بخسارة ناديه لبطولة اسيوية ويشيع الفوضى بخروجه لسبب ان المدرب اجلسه على دكة الاحتياط

الجمعان نفسه يعتذر عن اللعب بسبب ان المباراة مقامة في العصر والجو حر


الدوخي يستفز ناديه ويتفنن في استفزاز الهلالييين

طيب دام راح تنتقل ليه تلعب هاللعبة

هل هذا جزاء الاحسان


صدق من قال جزاء سنمار للدوخي


روح غير مأسوف عليك