س 1- من ستجلب مدرب للريال ؟ ( السبب )

انشيلوتي ،، لان حاليا هو افضل خيار بعد اعتزال هاينكس ،، وزياده على كذا هو اي نادي يدربه لازم يضبط دفاعه ،، مع تشيلسي - ميلان - باريس ،، كل الانديه اللي دربها دائما تتحسن احوال الدفاع عندهم واللي هي حاليا احد نقاط ضعف الريال.

وانشيلوتي ماعليه خوف مع النجوم ،، مدرب سبق ودرب ( رونالدو - شيفشينكو - سيدورف - مالديني - نيستا - بيرلو - ابرا - سيلفا - تيري - لامبارد - ....... والقائمة تطول ) ماعليه خوف ان شالله وبيعرف كيف يوظف الفريق ككل ،، والفريق بصراحة ما يحتاج له تجانس زياده ،، اللاعبين متفاهمين ،، بس يحتاجون مدرب يعطيهم اسلوب يناسبهم ،، والاسلوب هذا يكون اسلوب هجومي ان شالله



س2- من ستبيع من اللاعبين ؟ ( تفاصيل )

هيقوين: بشرط انه يجينا مهاجم جامد ،، مع اني بديت اشك لان ليفا وكافاني وفالكاو طارو علينا ،، مابقى غير سواريز وشكلها صعبه.

كاكا: بس لو جا انشيلوتي اتوقع كاكا بيكمل ،، وانا بالنسبه لي لو كمل عادي لان اللاعب هذا الى الحين وانا عندي احساس انه بيسوي شي للريال

كاليخون: يا يطلع اعاره او اذا بيدخل بصفقه عشان ينزل السعر لاي لاعب

البيول: ايامه مع فالنسيا كان كويس ،، جا للريال كان ماعليه في بداياته ،، بس اخر موسمين جايب العيد ،، لا يعرف يخلص كور ولا كنترول ولا شي يطلع ويجينا مدافع اسباني ويكون راضي بالدكه



س3- من ستشتري من اللاعبين ؟ ( تفاصيل )

سواريز: حاليا هو خيارنا الوحيد تقريبا ،، وحتى لو ما كان خيارنا الوحيد فانا بصراحة افضله على كثير من المهاجمين ،، كافاني وغيرهم لاعبين ممتازين ومافيها شك ،، بس انا لو خيروني بينهم ابختار سواريز ،،ممكن يكون اسلوب لعبه او مركزه زي بنزيما ،، بس سواريز ميزته وين ما تحطه يلعب ويبدع

ايسكو: ما يخفى على احد مهارة والامكانيات الكبيره لهذا اللاعب ،، ايسكو لك وللمستقبل ،، ولااااازم يجي ،، وكنت اتمنى يكون هو وسواريز اول صفقتين للموسم ،، بس شكل الوضع مطول

قاندوقان: مع عملية الونسو ،، وماندري هل بيرجع لمستواه او لا ،، قاندوقان الحل الانسب لتغطية مركز الونسو ،، واصلن الونسو خلقه ما راح يطول ،، فلازم نلحق على عمرنا

مونياين: تكلمت كثير على هذا اللاعب من قبل ،، باختصار راح يفيدنا في منتصف الموسم ،، اذا لياقة اللاعبين بدت تنزل والمستوى نازل ،، راح نحتاجه ،، خصوصا بالدوري ،، وهو طبعا ارخص من بايل بكثيييير

بايل: انا اخترت مونياين عشان مبلغ بايل المرتفع ،، بس لو قدر بيريز يجيب (سواريز- ايسكو - قاندوقان) وبقى معه شي زايد عليه بالقوه ويجيب بايل ويكنسل مونياين لو يبي ،، بس مونياين يكون خطه بديله




س4- ما رايك بفكرة تفريغ مودريتش لمركز صانع الالعاب مع اوزيل وجلب لاعب ارتكاز آخر مثل غاندوغان ليكون بديل لـ الونسو ؟

فكره كويسه ،، بس انا افضل مودريتش مكان خضيرة ،، لان مع احترامي لخضيرة انسان ماله ومال الهجوم درب ،، على عكس مودريتش اللي يخفف الحمل على الونسو + يساند اوزيل في وقت الهجمه.



===================================


بالنسبة لي اتمنى يكون هذا شكل الفريق الموسم الجاي



كاسياس (لوبيز)


مارسيلو (كوانتيراو) - راموس (مارتينز) - فاران (بيبي) - كارفخال ( اربيلوا - ناتشو)


الونسو (قاندوقان) - مودريتش (خضيرة - كاسيميرو)


كريس (مونياين - ايسكو) - اوزيل (ايسكو) - دي ماريا (مونياين)


سواريز (بنزيما)




بكذا ماراح نجمع نجوم على الفاضي ،، وبيكون كل لاعب ماخذ فرصته وحقه ،، وبنفس الوقت راح نبني فريق للمستقبل بوجود ( راموس - فاران - كارفخال - ايسكو - مونياين )