حي الله مروان ، رد إحتوى كل إحتياجات الفريق بالصيفية .. نقاط أتفق معك فيها ونقاط أختلف .. ناخذها حبة حبة

إقتباس أملي الوحيد ، والخطوة الأولى في تعاقدات الصيف هو (( كافاني )) إتمام التعاقد معه أولّا وبعدها التفكير في التعاقدات الأخرى للفريق بعد قدوم (( كآفاني )) ! الخطوة الثانية اللي لازم تسويها الإدارة بيع (( توريس )) لأتليتكو مدريد لأني أشوفه أفضل خيار لبيع اللاعب بحكم أنه برز من هالفريق وأيضاً كون الفريق الأسباني يحتاج لمهاجم بعد رحيل فالكاو وما يهمّني مبلغ الصفقه أهم شيء نفّتك منه .. !

كافاني مطلب ضروري لنا وأتفق معك بهذا الشي تماماً ، لكن فكرة الإستغناء عن توريس صعبة شوي ولو إني أأيد هذا الشي .. لكن طالما إن الاعب نفسه أبدا رغبته بالبقاء ف صعبة تكرشه .. مع إني واثق تماماً إن خنبق مبارتين ثلاث ومن الجهة الثانية أبدع ديمبا أو أياً كان إسم المهاجم اللي بيجي ف بيكون مصيره الدكة لين م يطالب بالخروج بنفسه .. أتوقع توريس راح يكمل معنا الموسم الجاي وبعدها بيمشي بما إنه بيبقى في عقده موسم واحد فقط

إقتباس بعد هالخطوتين اللي بتسويها الإدارة نتّجه لتدعيم بآقي المراكز ، بخصوص اللي يقول الفريق ما يحتاج إلا لمهاجم ومحور دفاعي أقوله أنت مخطىء تماماً الفريق يحتاج بعد التعاقد مع كافاني وترحيل توريس : إتمام صفقات لكلٍ من ( محور دفاعي مع بيع ميكيل - حارس إحتياطي أو عودة كورتوا - ظهير أيسر إحتياطي مع إعارة بيرتراند أو بيعه - جناح أيمن مع بيع موسيس و مارين - التعاقد مع شورله )

بيع ميكيل !! حرام عليك ، صحيح الاعب عالة على الفريق أوقات لكن لا تنسى إنه صغير وقابل للتطور .. متأكد إنه مع المو بنشوف ميكيل متغير 180 درجة ، ومتأكد تماماً إنك م راح تحصل بديل مثله يرضى بالدكة ! ميكيل خرافي بس أغلبية التشلساوية ظالمينه .. صحيح موسمه الأخير مو ذاك الزود لكن م توصل إنك تبيعه !

بالنسبة للحراسة أتفق معك بما إن هولاريو توكل وعقد ترنبول إنتهى وماتبقى إلا بلاكمان واللي مش قد المقام إنه يخلف حارس كبيتر تشيك * ف الوقت الحالي * ، ولا الحارس صغير بالسن ولا ننسى إنه ورى بطولات فريق الشباب .. لكنه محتاج كثير عشان يطور من نفسه ويثبت مكانه بالفريق الأول .. كورتوا رسمياً بيجلس مع الأتليتك عام أخر ، ف بكذا لازم التعاقد مع حارس صغير وخبرة للدكة

مع إعارة بيرتراند لا بيعه ، متأكد تمام التأكد إن التشلساوية كرهوه يوم شافوه مع ماتيو يلعب كجناح ، وبطبيعة الحال م كان مؤهل لهكذا مركز بما إنه ظهير وظهير دفاعي بحت .. ولا تنسون كمان إنه صغير بالسن وقابل للتطور .. أنا بوجهة نظري م أشوف إننا محتاجين ظهير طالما إنه موجود ويوفي بالغرض ..

وش فيك حالف ع البيع خخخخخ ، موسيس م كمل معنا إلا موسم صعب تكرشه من ثاني موسم .. ومارين نفس الشي حرام نخسر موهبة عشانه م أخذ فرصته معنا ! مارين أركد من موسيس .. الإثنين خيار جيد جداً للدكة مع الإنصاف فيما بينهم ف المباريات ..

التعاقد مع شورليه +1 .. أتفق معك تماماً

إقتباس لوك شاو ، الظهير الأيسر لساوثامبتون .. ظهير رائع جدّاَ أحد أفضل الأظهرة في البريمرليغ صغير بالسنّ وسبق وأعلن أنه من مشجعي ومحبيّ تشلسي ! ممتاز هجوميّاً ودفاعياً وخطير جدّاً بالإنطلاقات ، إنطلاقته الرائعة ضدنا في مباراة ال2-2 في هدف التعادل تنمّ على أنه ظهير قادم وبقوّة !

الاعب خرافي وموهبة وصغير ، لكن مثل م ذكرت فوق حرام نجيبه ونظلم ريان ، إلا في حال تمت إعارته .. والشرط إن الفريق اللي بيروح له يلعب فيه أساسي .. لوكا شاو م أبي أحلف إنه بمجرد إذا غلط غلطة صغيرة بيقومون عليه جماهير تشلسي ويقولون وينك ي بيرتراند تجي وتفكنا منه خخ ، مو معنى كلامي إني م أبيه .. بالعكس أتمناه من أول خبر ربطت الاعب بالفريق بس أنا مكتفي بها المركز ، ليه التكديس ؟ أشلي أساسي وبديله متوفر * برتراند * .

إقتباس دي روسّي ، ومين ما يبغى دي روسّي ؟ الأزوري المذهل أفضل خيار في مركز المحور الدفاعي ، علاقتة ساءت مع رومّا والنادي مسّتعد لبيعه وهذي فرصّة من ذهب للفريق للتعاقد معه ! وبالتالي راح ننسى شيء اسمه ميكيل !

مركز المحور الدفاعي لازم نجيب لاعب * خبرة * يشغله ، ومثل م ذكرت م فيه أحسن من دي روسي ولو إن إصاباته كثيرة ومستواه نازل شوي حالياً مع روما .. وللمرة الثانية بسوي نفسي م قريت شي فيما يخص الحب ميكيل

إقتباس الوحش البرآزيلي خيار ممتاز في مركز الجناح الأيمن ، مركز شبه معدوم في الفريق بتواجد العاهه موسيس ، قدوم هالك راح يعزز من قوّة هالمركز وبالنسّبة لي محتار بين هالك ودي بروين لكن قدوم هالك وجعل البلجيكي بديل له شيء جميل ولو أني مو متأكد من أن البلجيكي راح يرضى بأنه يكون بديل للبرازيلي !

قلتها ، ف الموسم الماضي كنت أتمناه ، بس الحين لا .. لاعب دمر نفسه يوم راح لزينيت ، وحالياً مستواه فالحظيظ ، فوقها زينيت يبون فيه مبلغ وقدره .. حرام يجي وفيه إسم أفضل منه بكثير واللي هو شورليه في حال قدومه توظيفه مسألة وقت تحت أيدي مورينهو سواء كان على الطرف اليمين أو اليسار ، وبيكون ها الشي بينه وبين هازارد والبديلين متوفرين * موسيس ومارين *

إقتباس يمكن الأمر الوحيد اللي محتار فيه واللي خلاني مو متأكد منه هو مسألة عودة دي بروين وجلب هولك بالتالي راح تملك خيارين في الجناح الأيمن وهذا يمكن يسبب لك مشكلة في كون دي بروين من اللاعبين اللي ودّك تشوفهم في كل مباراة بالإضافة إلى أن أوسكار راح يكون وضعه صعب في حالة قدوم هولك ودي بروين وبالتالي ماراح تشوف اوسكار إلّا كبديل والبعض ودّه يشاهده كلاعب أساسي ، يمكن هالشيء هو الوحيد اللي ماني متأكد من صحّة إتخاذه من عدمه لكنّي متأكد أن الإدارة ومع وجود السبيشل ون أن الفريق في مأمن سواء من مشاركة لاعب أو وضعه كبديل لكن الأهم بالنسّبة لي هو بيع موسيس ومارين لأن والله هالثنائي ماهم من مستوى الفريق أبداً ..

دي بروين يستحق الفرصة .. ليه عندك موهبة في يدك وتروح للاعب أخر ؟ دي بروين جناح يمين وبديله موسيس أو مارين وبالجهة اليسار زي م ذكرت هازارد وبديله شورليه وعندك برضو مارين أو موسيس عندهم القدرة اللعب بالمركزين .. فوقهم تقدر تلعب بأوسكار ، وتقدر تلعب براميريز ولو إنه في المحور الهجومي شي ثاني .. لكن في حال تأزمت الظروف

بس ، هذا تقريباً اللي شدني بردك أما الباقي فكلامك سليم وفي محله ، وردك بحاول أبروزه وأحطه بصدر الرابطة ..
لاهنت مروانوه