الموسم انتهى ،، والانتقالات الصيفيه بتكون نار باذن الله ،، بس اللي استغرب منه هو الى الحين مافيه اي مهاجم بدو التفاوض معه ،، الا اذا كانت الادارة مضبطه وضعها مع لوفاندوسكي فهذا شي ثاني

الى الحين الامور كويسه ،، ( كارفخال - ايسكو ) انضمامهم نسبته كبيره جدا ،، باقي مهاجم بدل هيقوين و محور بديل ل الونسو ،، وبكذا يكون الفريق كامل باذن الله

انا بصراحة ضد فكرة اننا نجيب بايل ،، انا مو ضد اللاعب ،، بالعكس اتمنى اشوفه بالريال ،، بس سعره مبالغ فيه ،، الحين هم يبون 80 ياخي والله الى 50 مبالغ فيه !! ،، ما راح اقول 80 ابقول 50 ،، اجيب لي لاعبين على الاقل في مراكز ممكن احتاجها اكثر

ولا تنسون انه اذا جا معناها مشاركة ايسكو بتقل ،، لان صعبه ايسكو ياخذ مكان اوزيل ،، فعلى الاقل تكون المنافسه بين ايسكو و اوزيل من جهه ،، و ايسكو و دي ماريا من جهه ثانيه ،، انتم بس تخيلو بيل يمين وكريس يسار واوزيل بينهم ،، بالله عليكم متى بياخذ فرصته مبارايات الكاس ؟؟

ايسكو اللاعب هذا يعجبني ،، ولو خيروني بينه وبين بيل ابختار ايسكو بدون ما افكر ،، طبعا انا ما اقلل من قيمة بيل ،، بس غلط اننا نجمع في هاللاعبين ونصهم احتياط ،، وانا اتفق مع الكثير باللي يقولون لازم يكون الوضع كذا عشان الدكة تكون قوية وفي وقت الحاجة يكون عندك بديل مناسب ،، بس انا عندي حل خرافي

في خط الوسط والاجنحة عندك لاعبين ممكن يلعبون لك في عدة مراكز ،، ( اوزيل - ايسكو - مودريتش ) الثلاثي هذا بيغطي لك اي نقص سواء من اصابات او تراجع مستوى احد اللاعبين ،، ( دي ماريا - كريس ) تقريبا هم اللي ماتقدر تغير اماكنهم ما عدا انك تغير اتجاه (يمين ويسار) ،، في حالة انخفاض مستوى دي ماريا واوزيل حتى ،، تقدر تلعب مودريتش مكان اوزيل وايسكو مكان دي ماريا ،، او ايسكو يسار وكريس ينتقل لليمين ،، ويكون فيه خضيرة او اي محوور ممكن الريال يجيبه ( قاندوقان مثلا) يغطي مكان مودريتش

يكون كذا

الونسو - قاندوقان

ايسكو - مودريتش - كريس

بالطريقة هذي انت تضمن اكثر من نقطة ايجابيه ،، الاولى هي ان اللاعبين كلهم بياخذون حقهم باللعب ،، الثانيه هي ان بيكون فيه تنافس ،، النقطة الثالثة هي ان اللاعبين بينسجمون و بيتعودون االلعب مع بعض

خيار ايسكو افضل من بيل مثل ما وضحتها ،، هي ان ايسكو يلعب لك ب 3 مراكز ،، على عكس بيل

بدل ما تدفع 50 - 60 او 70 مليون على بيل ،، ادفعها على كافاني ،، او اي مهاجم

ونقطة اخيره ممكن بعض الشباب يختلفون معي فيها ،، دي ماريا الموسم الجاي ما راح يصير نفس دي ماريا هذا الموسم باذن الله راح يكون للافضل ،، بايل ممتااااااااااز بس وجوده بيسوي زحمه

كاسياس

مارسيلو (كوانتيراو) - راموس (مدافع يرضا بالدكة) - فاران (بيبي) - كارفخال (ناتشو)


الونسو (قاندوقان) - مودريتش (خضيرة - كاسيميرو)

كريس (ايسكو) - اوزيل (ايسكو) - دي ماريا (ايسكو)

كافاني (بنزيما)


حطيت ايسكو مكان (كريس - اوزيل - دي ماريا)


ولا وش رايكم