إقتباس الرسالة الأصلية كتبت بواسطة عـــ الزعيم ـــاشق توفرت هالقوة المالية لكابيلو لما جا مدريد وخرج من دور الـ 16 على يد بايرن ميونيخ ؟ بتقولي ما أخذ فرصة ؟ طيب مورينهو نفس الشئ من أول موسم ما أخذ فرصة بس وصل نصف نهائي التشامبيونز مورينهو مسك بورتو عشانه أخذ فيه الأبطال قلتلي كأس مخيس ؟ ماهو منطق هذا ياعزيزي ! فريق وصل النهائي وفاز بالبطولة من بين 32 فريق تقولي كاس مخيس ؟ دامه مخيس ليه مافاز فيه مدريد والا بايرن والا مانشستر والا يوفنتوس والا ليفربول ؟ على فكرة هالكاس المخيس الي فاز فيه تأهل مع مدريد من المجموعات وأخرج مانشستر فيرجسون من دور الـ 16 وليون في الـ 8 وديبورتيفو الي كان في عز أيامه في الـ 4 وموناكو الي أخرج ريال مدريد في النهائي ! يعني كيف كاس مخيس والفريقين الي بالنهائي أخرجوا أقوى المرشحين في ذيك السنة ( ريال مدريد ومانشستر ) ؟ كلمني بالمنطق لا تكلمني بأسلوب مافاز بالبطولة فريق كبير خلاص الكاس مخيس .. على فكرة انت تناقض نفسك بهاللي كاتبه ! من معنى كلامك إن مورينهو توفرت له القوة المالية في ( انتر، مدريد، تشيلسي ) ومعنى هالشئ إن لما كان مع بورتو ماكان متوفرله هالشئ ومع كذا فاز بالأبطال .. ترجع تقول وفر لديشامب مثل ماوفرت لمورينهو وخلنا نشوف وش بيسوي طيب انت تقول إن مورينهو ماكان متوفرله شئ وش تبيني أوفر لديشامب ؟ على فكرة أنا ماني رئيس نادي عشان تقولي سو لفلان كذا وورني وش بيسوي دي ماتيو تقارنه بمورينهو ؟ ياخي مورينهو أخذ الدوري الإنجليزي والإسباني والإيطالي والبرتغالي .. حقق دوري الأبطال مرتين .. أفضل دوري في العالم حسب الإحصائيات الإسباني حقق فيه الرقم القياسي بعدد النقاط والأهداف .. أفضل دوري في العالم حسب رأي الأغلبية الإنجليزي حقق فيه الرقم القياسي بعدد النقاط .. عن وشو تتكلم انت لما تقولي مورينهو لا يجاري ليبي وكابيلو وفيرجسون وبينيتيز فنياً أي مدرب في العالم إنجازاته وبطولاته التي حققها تتحدث عنه .. ومن يقول بأن مورينهو مدرب نفسي فقط وبينيتيز أفضل منه تكتيكياً فهو مجحف للحق .. إذا كان بينيتيز أفضل منه لما طرده إنتر وتشيلسي وحاربوه جماهير تلك الأندية ورفعوا لافتات تطالب بعودة مورينهو وبعدين ليه أقنعك إن دي ماتيو أخذ الأبطال بدهاء وحنكة يعني ماني فاهم وش دخل دي ماتيو بالموضوع وأنا ماجبت طاريه أساساً معليش أخوي بس ياليت ردك الجاي تتكلم بمنطق والا اعتبرني منسحب من النقاش معاك تحيتي .،،.

دي ماتيو مسك تشلسي بنص الموسم يعني نص فرصة وجاب الابطال الامور ماتقاس بهالشكل

الكاس مخيس جبته على سبيل المزح و سببت لك مشكلة !! عزيزي ركز بالله الي وصل للنهائي كان موناكو وبورتو ( ديشامب - مورينهو ) بدال ماتقول قوة ليش ماتقول ضربة حظ خل المسألة 50-50 خاصة ان بورتو خدمه التحيكم قدام مانشستر .. طيب ليش ماتقول ان دي شامب مدرب بطل وكبير بسبب هالبطولة ؟؟! بعد هالبطولة ضربت لك مثال بالمدربين الي وصلوا للنهائي وتحليلي ان وصولهم لايعني قوة بهم كثر ماللحظ القوة العظمى فيه وهذا رأيي يحق لك انك تناقشني فيه ولا تصادر الرأي .

اختلفت الطرق بعد النهائي مورينهو ذهب لقوى مالية عظمى توفر له مايريد بينما دي شامب يسرح ويمرح بأندية اقل من ذلك وين راح دهاء ديشامب ب2004 ليش مايتكرر مرة ثاني !؟ ( لان المسألة كانت حظ ليس الا )



قبل اعلمك ليش اقارنه ببينيز فقط .. انت مقتنع يقينا ان الدوري الاسباني الافضل بالعالم عندما حصل مورينهو الرقم القياسي !؟ اذا كان الافضل اجل وش نسمي الدوري الاسباني عام 2001 و 2003 عندما حصل فالنيسا مع بينيتز بطولة الدوري مخيس مثلا وحصل ثنائية بنفس العام 2003-2004 الدوري وكأس الاتحاد .

عزيزي مورينهو لما حط رحاله بايطاليا كان وقت الكورة سيئة ومافيه الا الانتر يغرد وحيدا لدرجة ان مانشيني يارجل مانشيني يصقع الرايح والي جاي . والان الاسباني الي انت معترف بقوته !! مابه الا فريقين يتنافسون والباقين كومبارس يعني تفوز بالدوري او الوصيف مافي غيره .

ليبي وكابيلو وفيرجسون لو انك تعرفهم زين كان استحيت تصفه معهم .! ياخي مب لازم ارجع لاحصائيات ونقاط عشان اقولك هذا مدرب بطل وقوي روما فازوا فيورنتينا بهدف بااايخ ولعب بااايخ وانحسب له 3 نقاط !! مهب كل نقطة تجي بتكتيك ياعزيزي ولا كثرة النقاط تدل على هالشيء مثل ماهي كثرة الاهداف ماتدل على مهارة اللاعب لأنه يمكن من بلنتي يسجل او تطقه وتدخل .

اذا بتقيس التكتيك والامور الفنية ناظرها بالملعب وخل عنك الارقام .. ابقولك ارقام وبيزعلون الروماوية توتي ثاني هدافي الدوري الايطالي مع ان نص مسيرته يلعب وسط لكن ترى ثلث اهدافه بلنتيات .

فيرجسون بمسيرته كاملة الممتدة 25 سنة ماجاب الابطال الا مرتين .! معناته انه مش بطاال !!؟ كل العالم ومن ضمنهم المدربين متفقين على انه اسطورة تدريبية ومسألة انه ماحقق اعلى معدل نقاط واعلى معدل اهداف ماتستنقص من حقه .



اذا جينا للمناقضة انت برضوا تناقض نفسك تقول ان المدرب بطولاته وانجازاته تتكلم عنه ومع ذلك تجحق حق بينتيز ولا كأنه فاز بأي بطولة .