نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة عشاق ملوك اوروبا Real Madrid 2012-2013 ||

عـــ الزعيم ـــاشق · #11206 27/05/2013, 03:14 AM

إقتباس

الرسالة الأصلية كتبت بواسطة Madr!d


	لوبيز صرح أنه باقي مع ريال مدريد ويبي يستمر مع الفريق ويقول أن منافسة الحراسة بـ الفريق شيء إيجابي

الحمدلله إلى الآن خروج مورينهو ما أحس له تأثير على رغبة اللاعبين في البقاء في النادي على عكس إنتر .. شئ طبيعي بما إنهم في أكبر نادي في العالم

بس الواحد خاف من أخبار الصحافة إنه بيسحب معاه فاران ولوبيز ومودريتش وألونسو وهالخرابيط

إلى الآن لوبيز صرح إنه باقي .. ألونسو صرح إنه باقي .. راموس قال بإن رونالدو باقي .. أوزيل اجتمع أبوه بالإدارة للتجديد .. وكيل أعمال خضيرة شوهد في البرنابيو للتجديد .. مارسيلو نفس الكلام .. وأتوقع بيبي راح يستمر لأن الجماهير تحبه وأنا مع بقائه كإحتياطي لأن كلنا عارفين بيبي وش كان قبل الإصابة وقبل لا ياكل عليه الجو فاران

بس أغلبيتنا نبيه يطلع وخليناه عاهة بسبب أخطائه قدام دورتمند وتصريحه ضد مورينهو .. أنا شخصياً مسامحه لأنه ياما برد قلوبنا خاصة بالحوثيين

الإدارة ماشية بالطريق الصحيح .. أتوقع أربيلوا ماراح يجدد للفريق بس راح يكمل كإحتياطي مثله مثل بيبي ..

الي أتوقعهم خارج النادي: كاكا، كارفالهو، كوينتراو، كاليخون، هيجواين، إيسيين، أدان وبدرجة قليلة جداً دي ماريا لو ماجاه عرض كبير ..

يعني الي بيصفالنا من لاعبين: ( كاسياس )، دييغو لوبيز، ( خيسوس)، مارسيلو، ( أربيلوا )، ( بيبي )، فاران، راموس، ( ألبويول )، ناتشو، ( كاسيميرو )، مودريتش، ألونسو، ( خضيرة )، أوزيل، رونالدو، بينزيما، ديماريا، ( موراتا ).

ناقصهم: بيل، كارفاخال، كافاني، محور خال

طبعاً الي بين قوسين احتياط ..

تخيلوا معاي رباعي هجومنا : بيل، أوزيل، رونالدو، كافاني

تذكرت شئ بالنسبة لغاريث بيل .. الموسم الماضي بعد التوقيع مع مودريتش ريال مدريد أعلن اتفاقية بينه وبين توتنهام في عملية بيع اللاعبين وهي إن توتنهام إن كان يبي يبيع لاعب فالأولوية لريال مدريد إذا وفر العرض المناسب ونفس الكلام من ريال مدريد .. ماعندي مصدر على هالكلام مالي خلق أدور بس متأكد منه لأنه انحط هنا بالرابطة بعد توقيع مودريتش .. لذلك أستبعد إنه يروح أي نادي غير مدريد وعسى هالليفي اليهودي مايطمع عشان مانشوف دراما زي ماشفنا مع مودريتش الصيف الماضي ..

تحيتي .،،.