نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة عشاق ملوك اوروبا Real Madrid 2012-2013 ||

MJNT · #11191 26/05/2013, 04:18 PM

إقتباس

الرسالة الأصلية كتبت بواسطة عـــ الزعيم ـــاشق


	كيف الإحتياط كله أبو كلب وعنده شاهين والشاب ليتنير والهداف شيبر والصلب الخبير كيل ؟ ما أقارن دكة الريال ولا جبت طاري دكة الريال أنا أتكلم عن إن كلوب مايعرف يسيطر على المباراة إذا خرجت من يده .. أمس لو روبين لحاله استغل الفرص الي جاته بسبب الأخطاء الدفاعية كان يمكن انتهت بسوبر هاتريك له ! ومع ذلك كلوب ما حاول يحل هالمشكلة نهائياً مو عشانه مايمتلك حلول مسألة زي كذا ماتحتاج دكة جامدة تحتاج توجيهات تعليمات رقابة أكثر على روبين إدخال كيل أو شاهين للسيطرة بشكل أكبر على خط الوسط ! بس ماحل هالمشكلة وعلى العكس هاينكس زاد المشكلة بدهاء وفك قيد روبين من اليمين وقاله تحرك على كيفك وسجل هدف الفوز .. يارجل بالدقيقة 85 دورتمند ماعاد فيهم حيل يركضون من التعب بدل جدد نشاط اللاعبين يوم لقم الهدف الثاني بدل تبديلين ؟ بدري ؟ وبعدين بغض النظر عن إن عنده دكة كويسة بس محد يعرفها مثل ماكان محد يعرف هالنادي بكبره .. هل هي مشكلة اللاعبين أو الإدارة إن ماعندك دكة كويسة والا مشكلتك انت يالمدرب إنك ماحركت ساكن بالإنتقالات الشتوية ؟ يسوف دكة البايرن قوية جداً ما اختلفنا .. بس ما احتاجوا الدكة عشان يحسمون المباراة امس ! أول 25 دقيقة كانت لدورتمند وشاتوا 6 .. 4 منها عالمرمى ! الكل كان يقول دورتمند أفضل وراح يفوز بس بعدها رجع سيطر البايرن على المباراة كاملة ولو استغلوا اخطاء دورتمند كانت كارثية عليهم ! بغض النظر عن مباراة أمس .. إياب مباراتهم معنا .. تخيل معاي لو رونالدو وأوزيل وهيجواين سجلوا الـ 3 انفرادات في أول 20 دقيقة ؟ وش كانت وجهة نظرك في كلوب ؟ ترى الحظ لعب دوره مع كلوب هالموسم والا حتى ملقا كان راح يخرجه من التشامبيونز لولا الله ثم الأخطاء التحكيمية الفادحة ! كلوب مدرب كويس وممتاز ما اختلف بهالشئ وقلت في ردي السابق لكن تحسه ماعاد يفكر بحلول من تبدأ المباراة .. تحيتي .،،.

اذا كنا نتكلم عن حلول معناه على الأغلب لاعب مهاجم أو جناح !

نوري شاهين مستواه ضعيف من بعد ما إنتقل من دورتمند قبل موسمين وكيل شايب مابيسوي شيء في مباراة رتم عالي أمام البايرن

وبالمناسبة دورتمند كله لاعبين عاديين أو مواهب مثل جوتزة وريوس وبدون خبرة !

يورغن هو من صنع منهم نجوم و فريق بطل وجماعي ووصل معهم للنهائي لكنه واجه فريق بالعربي مافيه امل تفوز

لعبها صح بالبداية بالهجوم المتواصل وكان يبي يسجل هدف يزعزع فيه ثقة لاعبي ميونخ لكن ماحالفه الحظ المرة هذي

ماننكر ان البايرن مسك المباراة الشوط الثاني وهو المستحق للفوز لكن ما نقلل من عمل كلوب ولو فعلا ان الحظ خدمه في الأدوار السابقة

والله اعلم انه بيستمر في بوروسيا موسمين على الأقل قدام قبل لا يفكر بتدريب فريق آخر .

هاينيكس شكله مدربنا القادم بعد تصريحة بالأمس !