نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

عـــ الزعيم ـــاشق · #18 26/05/2013, 04:12 AM

إقتباس

الرسالة الأصلية كتبت بواسطة الخبراء


	اقنعني ان دي ماتيو اخذ الابطال بدهاء وحنكة؟! اقنعك بنفسية مورينهو مورينو درّب كل من : بورتو - تشلسي - انتر - الريال 3- من 4 فرق توفر لمورينهو كل شيء من تعزيزات مادية وفنية وماكن فيه حد لهالشيء .. هالقوة المالية لو توفرت للي ذكرت لك ماوقف لهم احد . خل مورينهو يمسك فريق مثل الليفر ولا فالنسيا مثل بينتيز ويجيب لي الابطال ولا ابيه ياصل لنصف النهائي بتقولي بورتو !! ابقولك كاس مخيس خخخ وصل النهائي ابقولك ايضا وصل موناكو مع ديشامب معناته ديشامب قوي .. اجل وفر لديشامب مثل ماوفرت لمورينهو وخلنا نشوف وش بيسوي !!

توفرت هالقوة المالية لكابيلو لما جا مدريد وخرج من دور الـ ١٦ على يد بايرن ميونيخ ؟ بتقولي ما أخذ فرصة ؟ طيب مورينهو نفس الشئ من أول موسم ما أخذ فرصة بس وصل نصف نهائي التشامبيونز

مورينهو مسك بورتو عشانه أخذ فيه الأبطال قلتلي كأس مخيس ؟ ماهو منطق هذا ياعزيزي ! فريق وصل النهائي وفاز بالبطولة من بين ٣٢ فريق تقولي كاس مخيس ؟ دامه مخيس ليه مافاز فيه مدريد والا بايرن والا مانشستر والا يوفنتوس والا ليفربول ؟

على فكرة هالكاس المخيس الي فاز فيه تأهل مع مدريد من المجموعات وأخرج مانشستر فيرجسون من دور الـ ١٦ وليون في الـ ٨ وديبورتيفو الي كان في عز أيامه في الـ ٤ وموناكو الي أخرج ريال مدريد في النهائي ! يعني كيف كاس مخيس والفريقين الي بالنهائي أخرجوا أقوى المرشحين في ذيك السنة ( ريال مدريد ومانشستر ) ؟ كلمني بالمنطق لا تكلمني بأسلوب مافاز بالبطولة فريق كبير خلاص الكاس مخيس ..

على فكرة انت تناقض نفسك بهاللي كاتبه ! من معنى كلامك إن مورينهو توفرت له القوة المالية في ( انتر، مدريد، تشيلسي ) ومعنى هالشئ إن لما كان مع بورتو ماكان متوفرله هالشئ ومع كذا فاز بالأبطال .. ترجع تقول وفر لديشامب مثل ماوفرت لمورينهو وخلنا نشوف وش بيسوي

طيب انت تقول إن مورينهو ماكان متوفرله شئ وش تبيني أوفر لديشامب ؟

على فكرة أنا ماني رئيس نادي عشان تقولي سو لفلان كذا وورني وش بيسوي

دي ماتيو تقارنه بمورينهو ؟ ياخي مورينهو أخذ الدوري الإنجليزي والإسباني والإيطالي والبرتغالي .. حقق دوري الأبطال مرتين .. أفضل دوري في العالم حسب الإحصائيات الإسباني حقق فيه الرقم القياسي بعدد النقاط والأهداف .. أفضل دوري في العالم حسب رأي الأغلبية الإنجليزي حقق فيه الرقم القياسي بعدد النقاط .. عن وشو تتكلم انت لما تقولي مورينهو لا يجاري ليبي وكابيلو وفيرجسون وبينيتيز فنياً

أي مدرب في العالم إنجازاته وبطولاته التي حققها تتحدث عنه .. ومن يقول بأن مورينهو مدرب نفسي فقط وبينيتيز أفضل منه تكتيكياً فهو مجحف للحق .. إذا كان بينيتيز أفضل منه لما طرده إنتر وتشيلسي وحاربوه جماهير تلك الأندية ورفعوا لافتات تطالب بعودة مورينهو

وبعدين ليه أقنعك إن دي ماتيو أخذ الأبطال بدهاء وحنكة يعني ماني فاهم وش دخل دي ماتيو بالموضوع وأنا ماجبت طاريه أساساً

معليش أخوي بس ياليت ردك الجاي تتكلم بمنطق والا اعتبرني منسحب من النقاش معاك

تحيتي .،،.