الكاسر


بالبداية احييك والله على كلامك ومنطقك ،، ومثل ما تفضلت انت وقلت كل واحد وله "رايه" ،، وانا احترم وجهة نظرك

بس فيه نقطة ابي اسالك عليها ،، ممكن تكون انت غافل عنها وممكن تكون عارفها بس ماودك تركز عليها

في اغلب ردودك وكلامك ،، دايم تطلع الريال انه هو الفريق المظلوم ،، وكان الاندية اللي تلعب ضد الريال ما جاها اي ظلم !! في عالم الكورة مافيه احد ماينظلم ،، صحيح فيه ظلم عن ظلم يختلف ،، ماتحسبلي ضربة جزاء تفرق على ماتحسب لي فاول ،، تحسب لي هدف اوف سايد غير ما انك تطرد لي لاعب بدون حجه او بدون سبب واضح ،، الريال انظلم وما نختلف فيها ،، بس لا تخلي الظلم هو سبب خسارة الريال في كل المواجهات ،، انا من النوع اللي بصراحة وللامانه ما اهتم كثير بالقرارات التحكيميه ،، لانها رفعة ضغط على غير سنع ،، ولا اتذكر مواقف انظلمت فيها بعض الانديه ضد الريال ،، ولكن ،، لو ابدور ابلقى كثيييير ،، سواء على عهد مورينيو او غيره

ف ياحبيب قلبي اللي ابوصله لك هو لا تحط التحكيم سبب رئيسي ،، قد يكون احد الاسباب ،، ولكنه موب الرئيسي خصوصا مع الريال ،، انا مدريدي ،، بس اذا شفت فريق مقصر منيب جاي اقول والله من الحكم !!

وعشان بس اثبت لك كلامي ،، الحين انت ممكن تقول التحيكم و و و و والخ ... بعدين سواء انت او غيرك بيجي يقول كيف تبي بطولة وماعندك ظهير ايمن او كيف تبي بطولة وعندك هيقوين وبنزيما بالهجوم .... اتوقع الفكرة وصلت

واعذرني على الشطحة