أخوي الغالي .. هدف تسلل ..!!
مع إحترامي لشخصك الكريم .. حتى موضوعك تسلل ( من باب المداعبة وليس التقليل ) ..
حبيبي إنت تخرج من الآسيوية كل سنة في نفس المرحلة هذي ..
أنا معك الهزيمة ماهي آخر المطاف وليست النهاية ولكن مو بهالطريقة ونفس السيناريو كل سنه ..
لكن يكون مصيري مربوط بشوية لاعبين ماهم حاسين بالمسؤلية وماتشوفه يطبق الإحتراف ويحترق على الشعار إلا إذا جاء بيوقع عقد إحترافي في النادي وبعد التوقيع ترجع حليمة لعادتها القديمة ..!!
عطني روح ومستوى مثل ريال مدريد أو برشلونه وأنا مسامحك لو تخرج من أول مباراة .. مع إحترام الفوارق الإحترافية ..!!
ياصديقي الشمس لاتغطى بغربال .. والخلل واضح والعلاج معروف للجميع .

لكن أتمنى من الله العلي القدير .. أن تتم القرارات التالية نهاية الشهر الجاري ..!!

1) رحيل الإداراة والإكتفاء بالفترة السابقة التي قضتها ..
2) عدم الإستعجال في إحضار سامي الجابر وإلإنتظار الى الموسم مابعد القادم لإكتساب مزيداً من الخبرة والدهاء الكروي ..!!
3) تنسيق جميع اللاعبين الغير مستفاد منهم والكل يعرفهم ولا نحتاج لذكر أسمائهم ..!!
4) تصعيد مجموعة من الفريق الأولمبي وإعطائهم الفرصة في بطولة لاتكون هدف للإدارة في الموسم المقبل مع مشاركتهم فترات ليست بسيطة في الدوري وإعطائهم الثقة كاملة .. ولا أجيب محترف معطوب وما أستفيد منه أو أعيد تأهيله ويروح نادي آخر ..!!


أنا بس ودي أسأل جمهور اللاعبين وخصوصا جمهور اللاعب / ياسر القحطاني ..!!!!!
هل هذا هو اللاعب اللي بيشيل الفريق ( أنا أنتقد ياسر كلاعب وليس شخصنة ) .. ياسر وأقولها بالفم المليان ( شبع دراهم وإحترق كرته ) والإعلام عطاه فوق المطلوب ...!!
أنا ما أبي لاعب إذا تكلم يختار أجمل الجمل وأرقاها وفي الملعب مايدري وش الخانة اللي يلعبها .
ياإدارة الهلال إرحموا عقولنا .. فلم يعد للتجاهل مكان ..


أتمنى تقبل مروري .. وفي الختام إختلاف الرأي الرأي لايفسد للود قضية ..!!