قاعد اقرا الردود والنقاش اللي حاصل خصوصا يوسف والكاسر وغيرهم من الشباب

عندي بس تعليقات بسيطه

- مورينيو عنده الصلاحيات الكامله وهذي صحيحه مليون بالمية ،، صلاحياته ما قد اخذها اي مدرب من 10 سنوات على الاقل ،، وانا اتكلم الصلاحيات اللي في نادي اسمه " ريال مدريد" موب اي نادي غيره ،، الريال من عمر الدنيا معروف ان فيه لاعبين لا احد يتعرض لهم ،، في وقت من الاوقات كان رؤول و( قوتي وسلقادو ) بدرجة اقل ،، حاليا عندك كاسياس وراموس وكريس ،، اول لو جا مدرب وما لعب رؤول يقشعونه من المباراة اللي بعدها ،، الحين كاسياس له اشهرر ما لعب والادارة معطيه مورينيو جوه ،، وما ننسى فالدانو يوم يمسكونه الباب ،، وما ننسى مين اللي اختار زيزو بدل فالدنو ،، وما ننسى مين اللي يتحكم بالانتقالات ،، هذي اللي جايه على بالي الحين واللي واضحة قدامنا ،، غير اللي ما ندري عنها

- بخصوص مايكون او اي لاعب غيره ،، اي لاعب الريال ماقدر يجيبه مو معناها الريال رفض فكرة مورينيو ،، ومو كل ماقال مورينيو جب هذا اللاعب يجي ،، ترا السالفة مو سالفة " كن فيكون " ،، فيه بعض المدربين سواء اللي مرو على الريال بالسنوات الماضيه او من مدربين الانديه الثانيه ما تجيهم فرصة اختيار لاعب معين ،، سواء الادارة رافضه او سعر اللاعب مبالغ فيه او غير مقدور عليه ،، ف اللي ابي اوصله من هذي النقطة لاتدخلون سالفة مايكون في الصلاحيات اللي اعطيت لمورينيو لان ابداااااااا مالها اي دخل " مع كامل احترامي" ،، بيريز حاول يجيب مايكون ولا قدر ،، ومثل ما قال يوسف ،، قد يكون اللاعب ما اعجب الادارة لان سعره مبالغ فيه نظرا لعمره ،، وهذي من ابسط حقوق النادي ،، هو صحيح معه الصلاحيات الكامله بس مو لدرجة ان النادي ماله كلمه << هذا طبعا اذا صدق كان النادي رافض فكره التعاقد مع مايكون

- انا الكلام هذا ما ودي اقوله ،، بس مع احترامي والله للي يجي يقول الريال انظلم وتحكيم ومدري ايش ،، ياخي الريال يا كثثثثثثر ما استفاد من التحكيم ،، لا نلعب على بعض ،، هذا حال الكوره في هذا الزمن ،، مافيه اي فريق ما يستفيد من التحكيم ،، صار التحكيم الحين هو السبب في اخفاقات مورينيو ؟؟؟؟؟؟ والمشكله يجون يقولون التحكيم ،، وبعدها يقولون اللاعبين "خذلو" المدرب ماعنده مهاجم وبعض اللاعبين ما كانو بيومهم ،، ياخي وحدة من الثنتين ،، يا تحكيم يا سوء من اللاعبين اختارو لكم وحدة ،، لانهم صعععبه يجتمعون سوا