نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة عشاق ملوك اوروبا Real Madrid 2012-2013 ||

المخاطر _99 · #10995 21/05/2013, 04:29 PM

إقتباس


	المخاطر الصراحة ردك مافهمت بالضبط انت تخالفني او تتفق معي تقول وش الصلاحيات الي منحت له وبعدين تجاوب على نفسك

اقصد وشي الصلاحيات اللي كأن بيريز صار يمنّ فيها على مورينهو ؟

الصلاحيات اللي اخذها مورينهو هي نفسها صلاحيات المدرب المحترم ..

يعني انا ملاحظ بعد نهاية الموسم كثير من المدريستا يقولون ومورينهو ماخذ صلاحيات ! طيب هذي اساس عمله .. يعني مثل واحد يقول هذا وهو مدرب يحق له يختار التشكيلة !

مورينهو مااخذ شي زيادة من بيريز اكثر من اللي ياخذه اي مدير فني كبير .. هذي باختصار شي طبيعي ولازم نتعود عليه في مدريد لأن هذا هو الشغل الاحترافي ..

إقتباس


	* نرجع للشي الاهم وهو التعاقدات ذكر بالمدونة ان العجز حصل بالموسم الثالث وهو ما جبر الادارة على بيع خمس لاعبين لتغطيه صفقة مودريتش أي انه كان بالموسم الاول كان متاح له جلب أي لاعب يريد والموسم الثاني ايضا

متاح له جلب اي لاعب يقدر عليه الريال .. هذا صحيح لذلك تشوف مورينهو مثلا طلب شفاينشتايغر وكان اللاعب نفسه يبي يلعب مع مورينهو حتى اذكر له تصريح : انا لست متزوج من البايرن ! .. لكن ادارة البايرن رفضت ! بعده المو طلب دي روسي وفشلت الصفقة وبعدها جانا خضيرة .. مالوم الادارة ولامورينهو .. لكن لايعقل اني اقول ان كل طلبات مورينهو تحققت .. لان هناك كثير من اللاعبين يفوقون العشرة طلبهم مورينهو بالاسم وماقدرت ادارة الريال توفرهم ولو وفرتهم بتتغير اشياء كثيرة ،، لكن الريال وضع ميزانية خاصة للانتقالات وفالدانو بعثر ملايين كثيرة في اول موسم لادارة بيريز مع بلغريني .. لذلك اعتقد ان مورينهو كان مجبر وفق ميزانية محددة توفير اقصى احتياجاته التكتيكية وهناك اولويات في الفريق ..

إقتباس


	مايكون ايضا اختلاف الادارة كان بسبب عمره يعني صعبة ادفع 20 مليون بلاعب يعطيني سنه او سنتين

في اول موسم المو طلب مايكون والانتر رفض بيعه باقل من 30 والريال كان طالبه ب 25 مليون وتفركشت الصفقة على فرق خمسة ملايين .. هذا الموسم طلبه مورينهو ايضا وبحسب الاخبار رفض بيريز بحكم ان مايكون في الثلاثين .. الخيار يجب ان يكون للمدرب وليس للادارة .. لذلك ارجع واقول هي مسألة تفاهم بين بيريز ومورينهو .. ليس كل ما طلبه مورينهو وفره له بيريز ابدا .. وليس كل ما يرغب فيه بيريز يوافق عليه مورينهو ( كمثال بيريز كان يبي دي سيلفا صانع العاب في اول موسم لمورينهو ،، المو رفض وطلب اوزيل ب15 مليون ! ) ..

إقتباس


	نرجع للموسم الثالث حتى وان حصل عجز وانا ماني مستوعب سالفة هالعجز حتى وان حصل عجز يطبقون الادارة مثل ما طبقو بصفقة مودريتش بيع هيقوين وبقيمة هيقوين اجلب مهاجم لان اصلا حتى لو كان عندك فلوس من المستحيل يكون عندك ثلاث مهاجمين وتلعب بخطة 4231

بيع هيغوايين !
اتوقع الادارة تفكر بالمبلغ عشان تقدر تشتري فيه مهاجم .. المهاجمين المتاحين مثل كافاني وفالكاو اسعارهم كبيرة وما راح يقدر النادي يوفرها اذا انباع هيغوايين بمبلغ 30 - 40 مليون يورو .. لذلك اقول المو لعب في سوق الانتقال بحسب ظروف النادي .. وحتى مع مودريتش كان المو طالب قبله فيدال ورفض اليوفي وبعدها المو حدد خياراته (مودريتش-ويتسل ) النادي حاول ويالله قدر على مودريتش في اخر يوم في الصيف .. ويتسل انتقل لنادي روسي باربعين مليون يورو .

إقتباس


	من المستحيل يكون عندك ثلاث مهاجمين وتلعب بخطة 4231

ما ادري وشي المشكلة ؟

على فكرة الريال مع مورينهو لعب ب4-3-3 دفاعية وهجومية ولعب كثير ب4-4-2 .. حتى مع 4-2-3-1 وهي اللي تعتبر الخطة الاساسية ماادري وش المشكلة ان يكون عندك ثلاث مهاجمين ؟