السلام عليكم
بصراحة هناك من يتهمني بالمندس اذا تكلمت عن الشلهوب او ياسر بعذر و حجة انهم ضحوا بالملايين لاجل الهلال !!
عجبي ! ماذا تقول عن بن مساعد اللذي ضحى بكل ماله لاجل الهلال !! وتطالبونه بالتنحي واعطاء الفرصه لغيره وهو من يقول اتمنى ان يأتي احد ويمسك الاداره! فأنا اول من يدعمه
الشلهوب: لاعب من سنين وهو كل ماشاف فاول نقز له وما كان بالبلد الا هالولد , واذا لعب يمين يعطل الهجمه ولا يسمح للشهراني بالتقدم , بصراحه عك الكوره وذبح الفريق من الوريد الى الوريد , وزود هذا يقول باقي شوط . يا اخي ملينا من باقي شوط , سمعناها بمباراة الاتحاد وشفنا الشوط الثاني وش صار فيه , يرحم امك فك الفريق يا شلهوب .

ياسرالقحطاني : والله العظيم انك ماسك الخانه عن ناس لو اعطوا الفرصه لا ابدعوا , والعذر يقولون ياسر دمروه جمهور الاصفرين , يا اخي ملينا من هالكلام , نبغا مهاجم يقاتل على الكورة مو كل ما مسك كورة انبطح ,والا يصارخ ومسوي يوجه من دكة البدلاء , حنا نبغا ناس تحفر الملعب مو ناس تسولف برا الملعب و داخله .

اخيرا باقي جمهور ياسر وجمهور الشلهوب : انا هلالي غيور على الفريق واقدر لكم حبكم لنجوم الهلال , ولكن الكيان فوق الجميع ! فأتمنى من كل من يرد على موضوعي ان يرتقى بالرد لاني هلاي صميم (قسما بالله هلالي صميم) علما ان هناك لاعبين اتمنى ضمهم لياسر والشلهوب ولكن لاحقا.
اسف على الاطاله