^^

على هونك اخوي 3 ردود وشلون ارد عليها كلها .. المهم الضغط العالي ماله دخل بالاسلوب الهجومي ابد

اذا تبي اسلوب هجومي استحوذ على الكورة والعب باسلوبك ونوع الهجمات من الاطراف والعمق بس الريال يعتمد على الضغط العالي حتى اذا فقد الكورة برشلونة يرجع يهاجمه باسلوب و المرتدات

ريال مدريد مع مورينيو ما يبدع الا في اسلوب واحد وهو الهجمات المرتدة

باعطيك كم صورة لاستحواذ برشلونة وتمتع في النظر فيها طبعا هذا اللي لقيتها

هذي مباراتنا الاخيرة معاهم في الدوري



وهذي صورة ذهاب كأس الملك العام الماضي في البرنابيو شوف نسبة الاستحواذ للبرشا كيف




وهذي اياب السوبر اللي قدم فيها الريال شوط هجومي هو الافضل في مواجهات برشلونة في عهد مورينيو وعلى فكرة برشلونة يلعب ب10 لاعبين من الشوط الاول



ما فيه احد لعب بطريقة هجومية مميزة ضد برشلونة الا الارسنال فقط لما فاز 2-1 وفي الاياب خسر 3-2 بواسطة التحكيم بس

الريال يحب يلعب مع برشلونة لان برشلونة اسلوبه هجومي بحت والريال يضربه لانه مميز في المرتدات بينما لو فتح الريال ملعبه امام البرشا بتكون كوارث حقيقة زي مباراة الـ 5 وبعدها تعلم مورينيو الدرس القاسي

اسلوب البرشا ما فقده ولكن فقد مدرب كبير " غوارديولا " يحسن التصرف بهذا الاسلوب

انشيلوتي مع ميلان اسلوبه دفاعي والسبب اسلوب دوريه اللي يدرب فيه ولكن لما طلع لتشيلسي وباريس شفنا اسلوبه كيف تغير ونهجه تغير من الدفاع الى الهجوم

في موسمه الاول مع تشيلسي تدري كم عدد اهدافه في الدوري الانجليزي الصعب 103 اهداف رقم كبير جداً

تخيل ايش بيسوي ومعه نجوم ريال مدريد المميزين : ) .. لا تقول لي عناصر باريس افضل من عناصر الريال بعد

اذا بتحكم على انشيلوتي وانه فشل السنة هذي حتى مورينيو فشل السنة هذي وخسر الليغا والأبطال وباقي الكأس ما انحسم للآن

ونرجع لسالفة ميسي ان برشلونة بدونه ولا شيء .. انت تبي توصل لأن برشلونة بدون ميسي ضعيف قلت هذا شيء ما فيه احد يختلف عليه زي ما الريال بدون رونالدو ضعيف وشفنا كيف نعاني قدام فريق الليجا الزلايب

هذولا أساطير يرفعون مستوى فريقهم ومثل هذي الاندية تعتمد عليهم وتعاني في غيابهم

واذا ان باريس اذا غاب إبرا عوض مكانه لافيتزي ولوكاس ومينيز هذا شي يحسب لانشيلوتي ان اسلوبه ما يعتمد على لاعب واحد بعكس قطبي أسبانيا حالياً

برشلونة والريال اذا غاب عنهم ميسي ورنالدو كل الاسامي الباقية بدونهم ما تعمل شيء

في الاخير بأسالك

مورينيو برأيك نجح مع الريال ؟ وانشيلوتي فشل مع باريس ؟ جاوبني


وهذا آخر رد لي لان كل الكلام جالسين نردده وماله فايده ورانا مباراة كأس هي حصاد موسمنا الحالي