نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - [ قهوة الثلاثاء

الـمـشـاغـب · #10 10/05/2013, 02:52 PM

أهلاً حبيبي أبو عبدالرحمن

أستاذكم ما سواها إلا لأنكم مطلعين ريحته ومتعبينه معكم أكيد !
أو إن أسلاك مخه بايزة

والله قصة تخيلت تفاصيلها بسبب أسلوبك في السرد وضحكت بصوت عالي

ذكرتني بأحد المربّين الفاضلين قبل سنوات .. كان يحاول بشتّى الطرق معي
أن يؤثر في نفسي وأسلك طريق الالتزام ..

كلمني مرّة وقال بأطلع معك أنا وفلان وفلان وبنرجع بعد صلاة الظهر ..
طبعاً فلان وفلان شباب في سني بس ملتزمين قلت أوك ما عندك مشكلة

طلعنا تقريباً الساعة 9 وما توقفنا إلا في المقبرة .. قعدت أتذكر فيه أحد مات جديد وبنصلي عليه والا وش الوضع؟
ظل الوضع صامت لين دخلنا المقابر .. وفجأة قال لي: افسخ ثوبك !
بغيت أشك في نفسي وقتها .. بس تذكرت إنه مطوّع ثقة , هذا غير إن المقابر
مو المكان المناسب للاختلاء بأحد

المهم سألته: ليه وش الوضع؟ قال بندخل القبور المفتوحة هذي !

طبعاً دخل هو , وأنا ترددت ثم دخلت اللحد .. من كثر ما أطالع أفلام رعب تخيلت
إن القبر بيتقفل علي ويدخل لي الشجاع الأقرع

طلعت بسرعة .. وطلعوا بعدي بفترة وفي أعينهم علامة النصر بأن طريقتهم نجحت في التأثير علي!
مرّ يومين أو أكثر والخبر نفس الخبر .. سلطان هو نفسه سلطان !
الظاهر إنهم غسلوا أيديهم مني وإلى يومك هذا ما بيننا إلا السلام والمجاملات, بدون أي محاولات

الشاهد من القصة.. إن الموت أكثر تأثير في النفس, ولكن رهبته تذهب مع كثرة طاريه ..

قهوتك هذا الأسبوع طيبة .. اكرمت