الف مبروك الفوز المهم جدا ..
مباراة الأمس أثبتت إن با مثله مثل توريس .. ماتقدر تضمنهم لموسم كامل
رغم إني أشوفه ظلم من بينتيز مفروض يعطيه فرصه اكبر من توريس لكن
با نفسه مايجبرك انك تلعبه بكل مباراة .. مباراة يضهر و10 يغيب ..
الفريق يمشي صح الآن ولله الحمد .. نفوز بعد بكره رسمياً نضمن التاهل
بس يبقى عندنا تحديد الثالث والرابع .. نحصل 6 نقاط من الـ 9 الجايه
نضمن الثالث .. نحصل على 3 نقاط وتكون هالثلاث ضد توتنهام ايضا
نضمن التاهل ..
يعني الأمور بيدنا .. لازم ندخل مباراة الدجاج وكانه فاينل .. الفريق يعيش
حاله ممتاز جدا الآن ولله الحمد .. الفوز ضد البطل وبملعبه وبكلين شيت
ايضا يعطي اللاعبين ثقه بكل الخطوط ..
الفريق لما يفوز بشكل متتالي والثقه تكون توب التوب وقتها يقدر اللاعبين
يتغلبون على المشاكل مثل الاصابات والارهاق والايقافات .. مباراة السبيريز
فرصه نشوف وش عند رافا ولعيبتنا كيف بيقدرون يوقفون المعجزه بيل افضل
لاعب حاليا في العالم يلعب كوره بوجهة نضري ..
آشلي .. تيري .. كاهيل .. سيزار
لامبارد.....لويز
رامي ........... هازارد
ماتا
با او توريس ..
هذي افضل تشكيله اشوفها لمواجه توتنهام .. رامي يكون على الطرف بحيث
يحاول يساند اشلي على بيل لان شبه مستحيل تقدر توقف بيل بلاعب واحد ..
متشوق كثير للمباراة وكيف رافا بيقدر يتعامل مع المباراة وبيل .. رجعة بواس
للجسر حالة الفريقين الاخيره الممتازه .. ومع هالاشياء بتلعب مباراة بمثابة
الموسم يعني هالمباراة هو زبدة الموسم للفريقين خصوصا توتنهام لانه اذا
خسر رسميا يطلع من المنافسه على المراكز الاربعه الأولى ..
عدم مشاركة هازارد ضد اليونايتد احس بنلقى بضلالها ضد السبيريز .. احسه بينفجر
هالمباراة وبيكون هو نجمها بآذن الله .. ايضا اراحة تيري وكاهيل اللي هم افضل
سناتر حاليا بتشلسي بتفيدنا ان شاء الله .. وبخصوص المهاجم ما أتوقع بتفرق
كثير .. با تحركاته افضل بكثير من توريس لكنه يضيع فرص ماتضيع .. توريس
مايعرف يتحرك واحيانا يكون المدافع الخامس للخصم لكن امام الباب اشوفه
افضل من با نسبيا ..
